Izaskun Rekalde hil da, Pantailak Euskaraz mugimenduaren ahotsa

  • 45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.

Izaskun Rekalde eta Alex Aginaga, Argia saria jasotzen (Dani Blanco)

2023ko ekainaren 15an - 13:01
Azken eguneraketa: 15:14

Ekonomia eta Enpresa Zientzietan doktorea zen Rekalde, Enpresen Administrazio eta Zuzendaritzan lizentziatua izateaz gain. Europako Trebakuntza (Coaching) Eskolan ere ikasi zuen, eta 2019an doktoretza sari berezia jaso zuen eremu horrekin lotuta egin zuen tesiagatik. Trebakuntzan egin zuen lan irakaskuntzan zein bankuetan, eta azken urteetan lanbide heziketan eta Euskal Herriko Unibertsitatean aritu zen irakasle gisa.

Urtzi Urkizuk Berria-n gogoratu duenez, euskalgintzan lan handia egin zuen. Galdakaoko eta Usansoloko (Bizkaia) Binke aldizkariaren sortzaileetako bat izan zen. Hedabideko zuzendari Jon Gomez Garaik adierazi du aldizkaria Rekalderen lanari esker sortu zela, eta bere heriotzak “hutsune ikaragarria" utzi duela. Galdakaok eta Usansolok euskarazko hedabideak edukitzea Rekalderi egotzi dio Binkek.

Euskara erdigunean

Euskarazko ikus-entzunezkoen alde aritu da azken bi urteetan, Pantailak Euskaraz mugimenduaren bozeramaile gisa, Alex Aginagalderekin batera. Urkizuk jaso ditu Aginagalderen hitzak: “Gure lantaldeko zutabe nagusietako bat izan da. Oso zaila izango da utzi duen hutsunea betetzea”. Mugimendu honen izenean hainbat sari jaso ditu Rekaldek: Rikardo Arregi komunikazio sarian finalista; kanpainarik onenaren Argia saria; edo Hau Pittu Hau Bilboko konpartsaren Euskara saria. Euskal ekoizpenen eta bikoizketen garrantzia aldarrikatu zituen azken sari hori jasotzean, euskara erdigunean jarriz hurrengo belaunaldiek euskarazko ereduak eduki ditzaten.


Kanal honetatik interesatuko zaizu: Euskarazko hedabideak
Euskalerria Irratiaren izenean kontu faltsu bat sortu dute instagramen, iruzurra egiteko

Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]


2024-06-06 | Aiaraldea
Atxikimendu kanpaina abian, Amurrioko Udalak dirulaguntza itzuli diezaion Aiaraldea Komunikabideari

Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean. 


ETBk 40 urte
Ardatz bertikala, erabakien adierazle

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]


2024-04-02 | ARGIA
Arrosa sareak Basaburuan egingo ditu aurtengo topaketak, Esan Erran irratiaren eskutik

Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]


Eguneraketa berriak daude