ARGIA.eus

2020ko urriaren 01a

Kontxako Banderan emakumeak ezin dira gizonezkoekin batera aritu

  • Getariako Izaro Lestayo gizonezkoen arraun ligetan aritzen den lehen emakumezko patroia da. Donostia Kulturak adierazi du Kontxako estropadan ezin izango duela parte hartu.

ARGIA @argia
2019ko abuztuaren 07a
Izaro Lestayo. Irudia: Hamaika telebista

Ekainetik ari da Izaro Lestayo Getariako traineruan patroi lanetan, gizonezkoen TKE eta KAE ligetan. Gizonezkoekin aritzen den lehendabiziko emakumea da. Ekainean egin zuen estraineko estropada, eta ordutik arazorik gabe hartu du parte hainbat estropadetan. Orain arte.

Donostia Kultura erakunde publikoak ohar baten bidez jakinarazi du Lestayok ezin izango duela patroi aritu Kontxako Estropadako gizonezkoen txandan: “Lehiaketa ez da mistoa, gizonezkoen bandera bat dago eta beste bat emakumezkoena”. Antolatzaileen arabera, araudiak zehazten du gizonezkoen estropadan patroiak ere gizonezkoa izan behar duela, eta emakumezkoenean emakumea.

Gateleraz ez, euskaraz bai

Araudiaren gaztelerazko bertsioak ezartzen dio debekua Lestayori: emakumezkoen estropadako patroia “patrona” izan behar duela zehazten da, eta gizonezkoena “patron”. Euskarazko araudian, ordea, batean zein bestean hamahiru arraunlariekin batera “patroi” batek hartuko duela parte dago idatzia.

Donostia Kulturaren erabakiak eztabaida piztu du, eta araudia aldatzearen aldeko iritziak agertu dira.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Arrauna  |  Generoa  |  Donostia

Arrauna kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude