Itxaron zerrendak Nafarroako Hezkuntzan, aniztasunari arreta emateko alorrean
Aspaldi gertatzen zaio jende gehienari medikuarekin hitzordu bat eskatu, eta hori atzeratu behar izatea, sendagile faltagatik. Agian jende gutxiagok ezagutzen ditu Nafarroako Hezkuntza Publikoan dauden itxaron zerrendak, eskatzen denean hezkuntza laguntzako langileen esku-hartzea, hala nola honako hauena: orientatzaileak, Pedagogia Terapeutikoko irakasleak, logopedak, eskola sustatzaileak, Komunitateari Laguntzeko irakasleak edo kultura gutxiengokoak.
Bizi garen gizartearen isla dira ikastetxeak. Gauzak horrela, aise ulertzen da hezkuntzako langileok ikasgeletan gero eta ikasle gehiago izatea gorabehera hauekin: estimulazio eta arreta falta pantailen aurrean denbora gehiegi igarotzeagatik, irakasteko hizkuntza ez jakitea, zaurgarritasuna pobrezia dela kausa, desegituraketa eta indarkeria familian, substantzia kaltegarrien kontsumoa, bizikidetzarako jokabide kaltegarriak, gabezia afektiboak, edo askotariko koadro psikologiko eta emozional suntsitzaileak.
Hala, laguntza-premia duten ikasleak bikoiztu egin dira gure ikasgeletan azken hamar urteetan (2011-12an %5,1 izatetik 2020-21ean %9,3 izatera pasa dira) eta, ordutik, urtero %2 handitzen da kopuru hori.
Diagnostiko klinikoa duten 10 ikasletik 2 baizik ezin dira artatu ikastetxeetako langileekin. Gainerakoak hezkuntza laguntzako unitateen edo orientazio departamentuen itxaron zerrendetan sartzen dira
Ikasle horiek eta gainerakoak ongi artatzeko, hezkuntza-premien proportzio berean handitu beharko lirateke laguntza baliabideak, gutxienez. Baina diagnostiko klinikoa duten 10 ikasletik 2 baizik ezin dira artatu ikastetxeetako langileekin, gaur egun. Gainerakoak, diagnostikatutako 10 haurretatik 8, hezkuntza laguntzako unitateen edo orientazio departamentuen itxaron zerrendetan sartzen dira, uneren batean laguntza saioren bat izateko. Erroldatu ez direnak ez dira estatistika horietan agertzen, nahiz eta arreta berezia behar izan.
Gure hezkuntza sistemako arduradunek badakite ikasle guztiei arreta emateko, hezkuntza laguntzako espezialisten plantillak boskoiztu beharko liratekeela, eta ratioak murriztu, legeak ezartzen duen bezala, gela bakoitzean, gehienez ere, hogei haur egon daitezen. Horretarako, Nafarroako Gobernuak BPGaren ehuneko 3 puntu inguru gehiago inbertitu beharko luke Hezkuntzan, Frantziak, Finlandiak edo Belgikak egiten duten moduan. Hala ere, kontua da urtero baliabide urriak eta langileak ikastetxez ikastetxe eramaten dituztela, inklusioaren esku-oihalarekin estali nahian gure ikasgeletan aniztasunari ematen zaion arreta, ohe handi bat dena.
Dei egiten diegu ikastetxeei, familiei eta, oro har, gizarteari, gure ikasleei arretarik ez emateak dakartzan ondorioak aztertu ondoren, saia daitezen arazoari irtenbidea ematen, eta Nafarroako klase politikoari eska diezaioten ez dadin izan bere zorra (neurri handi batean, gainera, zilegitasunik eta moralik gabea) murrizten duen erkidego bakarra. Aitzitik, guztion dirua inberti dezala gure erkidegoan gero eta haur gehiagok bizi duen egoera tamalgarria iraultzeko. Beste edozein erabaki politikok gizarteko kolektibo zaurgarrienaren aurka egiten du.
Steilas sindikatua
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]