Italiako Gobernuak 84.808 irakasle kontratatzeari ekin dio, La Stampa hedabideak aditzera eman duenez. Ratio txikiagoak mantendu behar diren denboraldirako esleitu ditu lanpostuak Lucia Azzolina Hezkuntza ministroak. Gainera, 50.000 langile gehiago kontratatuko dituzte, “lan gehiago emateko eta txanda bikoitzak saihesteko asmoz”. Hori bai, guztiek aldi baterako kontratua izango dute ordea.

Azzolinak telebista saio batean zin egin du beste itxialdi bat egon ezkero irakasle berriak ez ditutela kaleratuko. “Egia da eragozpen asko dagoela, baina hala ere kontratuak luzatu ditugu eta orain hobeto prestatuta gaude". Italiaren zorpetze publikoa, gaur gaurkoz, BPGaren %137,60 da.

Guraso asko ez dago eskolara itzultzearekin ados, harik eta seme-alabarik txikienentzako txertoa hartu arte. Azzolinak haien beldurrak “ulertu” egiten dituela dion arren, itzuleraren aldeko apustua berretsi du. “Historiak esango du zuzena egin genuen ala ez", ondorioztatu du.