Israelgo Estatuaren aldeko funts batek Espainiako Estatuko musika-jaialdi gehienak bereganatu ditu
KKRk urtarrilean erosi zuen Superstruct sustatzailea, Sónar, Viña Rock edo Resurrection Fest jaialdiak sustatzen dituena besteren artean. Palestinaren kolonizazioari lotutako higiezin-jardueretan eta Israelgo sektore teknologikoan parte hartzeagatik seinalatu dute funtsa.
Amerikako Estatu Batuetako Kohlberg Kravis Roberts (KKR) inbertsio-funtsak Superstruct Entertainment erosi zuen 2024ko urtarrilean. Nazioarteko 80 jaialdi baino gehiago sustatzen ditu korporazio horrek, Espainiako Estatuko musika-ekitaldi handienetako batzuk barne; hala nola Sónar, Viña Rock, Resurrection Fest, Monegros, Arenal Sound eta FIB.
Eragiketa horrek 1.400 milioi euroko balioa izan zuen, eta KKR bihurtu da sektoreko eragile nagusietako bat Espainiako Estatuan, El Salto-k jakinarazi duenez. Izan ere, KKR da Axel Springer talde mediatikoaren akziodun nagusia; Palestinako kolonia israeldar berrietan etxebizitzak iragartzen ari den Yad2 higiezin-atariaren jabea, hain zuzen ere.
Israelgo Estatuko hainbat enpresatan ere parte hartzen du, esaterako, Guesty eta Optiv. Zibersegurtasunean jarduten du azken horrek, eta lotura du armada sionistako ofizial ohiekin. 2021ean, hala, lurpeko datu-zentro bat finantzatu zuen sionisten kontrolpeko Petah Tikvan, GTR filialaren eskutik. Henry Kravisek eta George Robertsek, funtsaren sortzaileek, Donald Trump edo Nikki Haley bezalako politikariak babestu dituzte.
Azken erosketaren ondoren, protestak piztu dira hainbat herrialdetan. Erresuma Batuan, Boiler Roomek (Superstructen jabetzakoa hori ere) publikoki aitortu ditu KKRren loturen ondorioz dituen "kontraesanak", eta "BDS mugimenduarekiko atxikimendua" berretsi du. Finlandian, Flow Festivaleko langileek boikotari ekin zioten. Galizian, seinalatutako funtsetik aldentzeko eskatu die artistei eta jaialdien antolatzaileei BDSk. El Salto-ren arabera, Resurrection Fest, Viña Rock, Sónar eta O Son do Camiñoren zuzendaritzek ez diete erantzun posizionatzeko eskaerei, ordea.
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
.jpg)
Europako Irrati-telebisten Batasunari zuzendua da artisten maiatzaren 6ko agiria. Eurovisionen parte hartu izan duten 72 artistak ohartarazi dute Eurovisionek "ezin duela gizateriaren aurkako krimenak estaltzeko balio ukan".
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Gizarte palestinarrarekin elkartasunean luzatutako Boikota, Desinbertsioak eta Zigorrak kanpainak "baterajotze nazionalera" deitu du otsailaren 15erako Carrefourrek Hego Euskal Herrian dituen bost merkataritza zentrotan.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.