Israelek dozenaka lagun hil ditu Libanon eta Yemenen, Hezbollah eta Hamaseko buruak tartean
Israelen bonbardaketek ez dute etenik. Beirut (Libano) eta Yemengo hainbat azpiegitura izan ditu jo-puntuan azken egunotan, eta dozenaka herritar hil erasoetan. Horien artean, Hezbollah erakunde xiitako buruzagi Hassan Nasrallah eta Segurtasun Prebentiboko komandante Nabil Qaouk, Hamas erakunde islamistako komandante Fatah Sharif Abu Al Amin, eta Palestinaren Askapenerako Herri Fronteko hainbat goi-kargu.
Yemenen, huthien aurkako "eskala handiko erasoa" abiatu du Israelek. Al-Hudaida eta Ras Isa portuak eta bi instalazio elektriko bonbardatu ditu, eta gutxienez 24 lagun hil, huthiek Tel Aviv hiriko Ben-Gurion aireportuaren aurka misil balistikoa jaurti eta hurrengo egunean. "Dozenaka hegazkinek huthien erregimen terroristaren gune militarrei eraso diete Yemengo Ras Isa eta Al-Hudaida eremuetan", jakinarazi du Israelgo Armadak. "Erasotutako azpiegituren bidez, erregimen huthiak armak garraiatzen ditu Irandik bertara, baita petrolioa ere. Huthiek Israelgo Estatuaren aurka egindako azken erasoei erantzuteko egin dugu erasoa".
Artean, Gazaren aurkako operazioa ahaztu gabe, Libanoko hiriburua ere gogor kolpatu du Israelek asteburuan. Bonbardaketetan, besteak beste, Hezbollah-ko buruzagi Hassan Nasrallah eta erakunde horretako Segurtasun Prebentiboko komandante Nabil Qaouk hil dituzte. Hainbat eraikinen kontra egin du tiro Israelek, "egoitza terroristak" zirela-eta.
Halaber, Beirut hiriburuaren aurkako erasoetan Hamas erakundeak Libanon zuen buruzagia –Fatah Sharif Abu Al Amin komandantea– hil du Israelek, baita haren emaztea, semea eta erraina ere. "Operazio terrorista honek, Al Bass errefuxiatuen eremuko Fatah Sharif komandantearen etxea eta haren familia zituen jo-puntuan", adierazi du Hamasek. Gainera, Palestinaren Askapenerako Herri Fronteko hiru-goi kargu ere hil ditu Israelek Beiruten.
Ezin konta dira Israelek hildakoak. Libanoko Gobernuak emandako datuen arabera, gutxienez mila zibil hil ditu azken egunetako erasoetan. Sei milioi biztanle baino gutxiago dituen herrialdean, jada milioi bat lagunek egin behar izan dute ihes euren etxeetatik, Libanon sekula izan den "desplazamendu operazio handienean".
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]