Israel Premier Tech: izena, nortasuna eta jabea atzean uztera behartua
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru izango.
aurre egingo dieten hedabide independenteak
Israel Premier Tech txirrindularitza taldeak astelehenean komunikatu bidez jakinarazi du erabakia: datorren denboraldirako izena eta taldearen irudia aldatuko du, “taldearen etorkizuna bermatzeko pausu ezinbestekoan”. Azkenaldian, batez ere Espainiako Vueltan, izandako protestek bultzatuta, izen eta nortasun israeldarra atzean uztera behartua ikusi du bere burua talde israeldarrak. Gainera, proiektu sionistaren buru zen Sylvan Adamsek, Netanyahuren oso hurbilekoa, ere proiektua utzi du Israelgo Munduko Kongresu Juduko presidente izaten jarraitzeko. Orain arte zuen eguneroko partaidetzatik alboratu da eta “jada ez du taldearen izenean hitz egingo”.
Proiektu sionistaren irudia garbitzeko sortutako sportwashing ekimenari egoerak eztanda egin dio. Izan ere, lasterketek ez dute euren presentziarik nahi eta babesletzek ihes egiteko mehatxu egiten dute –txirrindularitza profesionalean bizirauteko ezinbestekoak direnak–. Factor-ek, taldeko materialaren hornitzaileak, eskatu zion Israel izena kentzeko eta bandera aldatzeko, proiektuan jarraitzea nahi bazuten. Eskakizunak onartzea beste aukerarik ez dute izan, datorren urriaren 15ean amaitzen baita UCI Txirrindularitzaren Nazioarteko Batasunari 2026 denboraldian lehiatzeko dokumentazioa aurkezteko epea.
Hasiera batean Adams aurka bazegoen ere, taldearen jabeek eta zuzendaritzak "aldaketaren beharra" onartu dute. Dagoeneko Espainiako Vueltan ezabatu zuten izena eta bandera, presiopean. Komunikatuan aipatzen dute txirrindularitza taldea "kirol-proiektu bat dela, beti izan den moduan". Hala ere, aldaketek iradokitzen dute baieztapenak sinesgarritasun eskasa duela.
Elbit Systems enpresa Israelgo arma fabrika handiena eta armadaren hornitzaile handienetakoa da. Mecanocauchoren erabakia “elkartasun internazionalistaren garaipena” dela iritzi dio BDZk.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Bartzelonako garraio konpainiak klausula bat dauka, betoa jartzen diena NBEko Giza Eskubideen erakundeko zerrendetan dauden enpresei. CAF zerrenda horretan dago, Jerusalemgo trenbideko lanengatik. 39 tren eta 321 milioi euroko kontratua legoke jokoan.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Milaka herritar atera dira kalera Euskal Herriko herri askotan Global Sumud Flotillako partaideen bahiketa salatzeko eta agintariei eta gobernuei Israelekin harreman guztiak apur ditzaten eskatzeko. Munduan barrena ere ehunka mila pertsona atera dira protestetara.
Nazio Batuen Erakundeak Israelgo legez kanpoko kokalekuetan negozioak egiten dituzten enpresen zerrenda berritu du. 68 lantokiren izenak gehitu ditu, eta tartean dago CAF. Beasaingo enpresak egun bat lehenago argitaratutako agirian zioen Jerusalemgo tranbiak “giza... [+]
Nazioarteko ontzidiak larrialdiko prentsaurrekoa deitu du asteazken goizean, “arrisku eremuan” sartu berritan. Itsasontzietan dauden kideek “intimidazioa” eta “gerra psikologikoa” salatu dituzte Israelen eskutik. Albanese NBEko errelatore... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Azken aste eta hilabeteetan CAFek jasotako presioaren aurrean, enpresak agiria atera du eta berretsi du Jerusalemgo tranbiak giza eskubideak aintzat hartzeko parametro guztiak betetzen dituela, eta proiektuarekin aurrera jarraituko duela.
Hogei urte bete ditu Palestinako eskubideen aldeko Boikot, Desinbertsio eta Zigorrak (BDS, ingelesezko siglekin) nazioarteko mugimenduak. Omar Barghouti BDS mugimenduaren sortzaileetako bat da. Urteurrenaren harira, hitzaldia eman zuen AEBetan. Europe Solidaire Sans... [+]
FINANTZAK ETA INDUSTRIA
AXA
Frantziar aseguru enpresak Israelgo bankuei dirua mailegatzeari utzi zion 2024ko abuztuan, DBZ eta Ekō elkarteen urtetako kanpainaren ostean.
Sidenor
Israelgo armadari altzairu militarra saltzen zion Euskal Herrian egoitza... [+]