Iruñeko bederatzi ikastetxek Bertsolaritza irakaskuntzan programan parte hartuko dute

5. eta 6. mailako ikasleen 38 taldek parte hartuko dute eta guztira 15 saio izango dituzte, bat astero.

Euskalerria irratia

Artikulu hau CC BY-SA 3.0 lizentziari esker ekarri dugu.

2023ko irailaren 13an - 07:57

Inprimatu

Iruñeko D ereduko bederatzi ikastetxe publikok ‘Bertsolaritza irakaskuntzan’ programa eskainiko dute datorren ikasturtean. 5. eta 6. mailako ikasleek bertsolaritzaren oinarrizko printzipioak ezagutuko dituzte Iruñeko Udalak antolatutako eta Nafarroako Bertsozale Elkarteak kudeatutako programaren bitartez. Aurten talde kopurua 36tik 38ra handitu da eta ondorioz, aurrekontuak iaz baino 2.500 euro gehiago izango ditu; 47.500 eurokoa da.

Nafarroako ahozko kultur ondarea den bertsolaritzaren transmisioa egitea du xede programak. Bide batez, ahozkotasuna landuko dute ikasleek eta testuinguru ez-formaletan hizkuntza modu ludikoan erabiliko dute. Halaber, helburuen artean ikasleek gizarte-trebetasunak, pertsonalak, komunikaziokoak eta hizkuntza-trebetasunak garatzea daude.

Antolatutako saioetan ikasleek bertsolaritzaren historia, doinuak, metrikak, errimak eta bestelako oinarrizko ezagutzak eskuratzeko aukera izango dute. Testuinguru ludikoa den heinean, teknikaren irakaskuntza azpimarratuko da jolasen eta ariketen bidez. Bertsolaritza lau alderdi ardatz hartuta lantzen da: hizkuntza, kultura, musika eta trebetasun pertsonalak eta sozialak. Material didaktikoa sekuentziatan antolatuta dago eta horietako bakoitza hiru formatutan eskuratu daiteke: liburua, karta-jokoak eta plataforma digitala.

Astean behin izango dira bertsolaritza saioak, ikastorduetan, eta guztira, 15 ordu izango dira. Hauek dira programan parte hartzen duten ikastetxeak: Hegoalde Ikastola, San Frantzisko, Bernat Etxepare, Patxi Larrainzar, Elorri, Mendigoiti, Amaiur Ikastola, Sanduzelai eta Buztintxuri.

Bertsolaritza Iruñea

Irakurrienak

Matomo erabiliz

Nola landu desirak, aniztasun sexuala edota identitatea 12-18 urteko ikasleekin?

Mikel Garcia Idiakez

Lagunak, adiskideak eta beste hainbat etsai

Gorka Bereziartua

“Gustatuko litzaidake pentsatzea bidea urratu dudala atzetik datozenentzat”

Aimar Gutierrez Bidarte | Aiaraldea

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

Turismofobia gogoan al duzue?

Eguzki

Kanal honetatik interesatuko zaizu: Bertsolaritza

2024-04-09 | Bertsozale.eus

Apirilaren 25ean hasiko da Gipuzkoa Bertsotan, Eskoriatzan

Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.