Iruñeko Alde Zaharreko etxegabetzea geldiaraztea lortu dute
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
57 urte ditu Ana Belenek eta 2016tik bizi da bikotekidearekin etxebizitza horretan alokairuan. 09:00etarako zegoen deituta etxegabetzea, eta ordurako 100 bat lagun zeuden bilduta eraikinaren atarian, pankarta baten atzean. Etxegabetzea gauzatuko ez zela jakin denean, Ana Belen kalera jaitsi da eta eskerrak eman dizkie bertan bildutakoei.
08:00ak pasatxo Espainiako Polizia iritsi da Kale Nagusitik, eta kasko eta istiluen gainerako hornidura guztiarekin San Lorenzo kalera sartzeko imintzioa egin du, baina ez dira sartu eta furgoneten barruan Kale Nagusiaren hasieran gelditu dira. Desjabetzea etxebizitzako azken pisuan zen, 6. pisuan, ataria eta eskailerak seguruenik jendez beteta egongo ziren, eta gaur goraino iristea ez zen erraza izango. Poliziak atzera egitea erabaki du.
Iker Narbona Etxebizitza Sindikatu Sozialistako kideak azaldu digu nola hasi zen etxegabetze prozesua: “Prozesua hasi zen etxeko jabeak ez ziolako kontratua luzatu nahi. Hasieran moratoria eman zioten, lortu zuten atzeratzea, baina aurten kendu diote. Ikusten ari gara, azken boladan, epaileek kasu askotan kentzen ari direla moratoriak aitzakia nahiko bortxatuekin”.
Narbonaren esanetan, “bloke hau osorik etxejabe handiena da, bi neba-arreba dira, eta beste halako bloke batzuk ere badituzte Iruñean. Gainera, haien etxejabe ardurak albo batera utzi dituzten horietakoak dira: hau oso pisu zaharra da eta ez diote kasurik egin erreformak behar izan dituenean. Legalitateak ematen die zilegitasuna negozioa egiten jarraitzeko, emakume bat bere etxetik botatzearen kontura. Horren aurrean, hor egon behar dira antolakuntza eta borroka, guztiz zilegi delako emakumeak hemen bizitzen jarraitzea”.
Idazkari judiziala iritsi denean, Ana Belenen abokatua, Poliziarekin eta Etxebizitza Sindikatuko kideekin hitz egiten aritu da luzez. Azkenean, 10:10ean sindikatuko kideak bilkurara hurbildu dira eta halaxe mintzatu zaie bertan bildutakoei: “Albiste on batekin gatoz, etxegabetzea gelditzea lortu dugu”, adierazi die Narbonak, eta bertaratutakoek txalo zaparradarekin jaso dute notizia.
“Argi izan –jarraitu du Narbonak–, ez dute etxegabetzea gauzatu hemen gaudelako. Beraiek nahi zuten isilpean gauzatzea etxegabetzea, baina berriz erakutsi dugu antolakuntza eta borrokarekin lortu daitekeela etxegabetzeak gelditzea. Ez dakigu zenbat denboraz izango den, baina garrantzitsua da borrokan jarraitzea horrelakok lortzeko. Poliziak joan dira dagoeneko, kontzentrazioa desegingo dugu, baina ahal duenak hemen inguruan jarrai dezala badaezpada”.
.jpg)
.jpg)
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]