Irun: harri txintxar bat EAJ-PSE akordioan

  • PSE-EEk Elkarrekin Podemosekin eta EH Bildurekin adostu ditu udal aurrekontuak Irunen. Jose Antonio Santano PSEko alkatearen eta EAJren arteko harremanak gaiztotuta daude aspalditik eta akordio honek berriz ere ika-mika eragin du bi alderdien artean.


2020ko urtarrilaren 22an - 11:27
EH Bildu eta Elkarrekin Podemosekin adostu ditu udal aurrekontuak PSEko Jose Antonio Santanok (argazkia: EITB).

Lurrikara txiki bat Gipuzkoako ekialdean: 2019ko ekainean EAJk eta PSE-EEk sinatutako akordioaren jarraipen batzordea deituko dute jeltzaleek, Jose Antonio Santano Irungo alkateak udal aurrekontuak onartzeko EH Bilduren eta Elkarrekin Podemosen sostengua lortu ostean.

Hala jakinarazi du EAJren Gipuzko Buru Batzarrak prentsa-ohar baten bidez, zeinean Santanoren jokaera kritikatu duen: “Denbora igarota agerian geratu da ez Santanok ez PSEk ez dutela akordiorik nahi EAJrekin Irunen ez orain ez lehen”, adierazi du alderdi jeltzaleak.

EAJk eta PSEk iaz autonomia erkidegoan sinatutako paktuak jasotzen duenez, bi alderdiak negoziatzera derrigortuta daude udal aurrekontuak onartzeko. EAJren ustez Santanok ez du puntu hori bete eta oposizioko beste bi alderdiekin adostutako aurrekontu itxiak aurkeztu ditu.

Bestalde, Elkarrekin Podemos eta EH Bilduren aurka ere egin du EAJk: “Nabarmenki egiaztatua geratu da baita ere EH Bilduren eta Elkarrekin-Podemosen jarrera politikoaren izaera taktiko eta gezurtia 2019ko udal hauteskunde ostean alkatea izendatzeko aldian”, irakur daiteke Gipuzko Buru Batzarraren prentsa oharrean.

Izan ere, ezkerreko bi taldeek eskua luzatu zioten EAJri Santano alkatetzatik kentzeko, baina jeltzaleek ez zuten aukera hori baliatu, EAJ-PSE paktua dela-eta. Hori egiteagatik jasotako kritikak bueltan egin dituzte orain: “EH Bilduk eta Elkarrekin-Podemosek Santanoren aldeko hautua egin dute”, adierazi dute prentsa-oharrean.


Kanal honetatik interesatuko zaizu: Irun
2024-03-14 | Leire Artola Arin
KRONIKA
Irungo mugak hautsi dituen komunitate harroa

Milaka euskaltzalek elkarrekin abiatu dute 23. Korrika, martxoaren 14ko eguzki epelean eta irribarre harroen babesean, hasiera ekitaldian AEK-ko koordinatzaile Ane Elordik aldarrikatu duen bezala. Irunen euskara Gipuzkoako beste hainbat hiritan baino baztertuagoa izan dela... [+]


2024-03-11 | Leire Artola Arin
Ostegunean hasiko da 23. Korrika Irunen, eta Esne Beltza eta Bad Sound taldeek girotuko dute eguna

Irundik Baionara 2.700 kilometro egingo ditu Korrikak, eta 16:00etan ekingo diote lehen kilometroari Bidasoko AEK-ko irakasleek, San Juan plazatik. Egun osoko egitaraua antolatu dute. ARGIAk jarraipena egingo du euskararen aldeko ekimen herrikoiak iraungo dituen 11 egunetan.


Asun Casasola, ez zaude bakarrik

Indarkeria matxistarik gabeko jendarte bat irudikatzea helmuga duen Asun Casasola Ipuin Lehiaketak sariak banatu ditu. “Plaza bat zure izenean” aurtengo gaia oinarri hartuta, memoria ariketa egin dute sarituek, gizonek hildako emakumeak, historia egin dutenak eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Eguneraketa berriak daude