Maiatzaren 24an tokiko eta Europako hauteskundeak egin zituzten Irlandako Errepublikan. Hauteslekuetan galdera bera egin zieten galdea 3.000 irlandarri: Irlanda batzearen alde bozkatuko al zenuke erreferenduma “bihar” izango balitz? Herritarren %65ak baiezkoa eman zuen; ezezkoa, berriz, %19ak. RTÉ eta TG4 irratiek egin dute inkesta.

Ostiral Santuko akordioaren arabera, Irlanda Iparraldeak eskubidea du erreferendum bidez Irlandar Errepublikarekin batzeko. Aukera hori ez da agenda politikoaren lehen lerroan egon aspaldian, besteren artean, unionisten oposizio irmoa dela eta. Baina 'brexit'-aren zurrunbiloak berriz ere hauspotu du eztabaida, 'brexit' gogor batek irla barneko muga gogortu baitezake. Brexitaren erreferendumak Erresuma Batuan ez bezalako emaitza utzi zuen Irlanda Iparraldean: %56k bozkatu zuen Europar Batasunean mantentzearen alde.