Elizgizonei turbantea kentzeko jolasak, kaleko dantzak ala emakume eta gizonen arteko hesiak botatzea
Irailean Irango Poliziak Mahsa Amini hil zuenetik herritarren protestak ugaritu egin dira kalean zein sareetan. Umorez ere erantzun diote estatuaren jazarpenari: elizgizonei turbanteak kentzeko mugimendua hasi dute.
Irango erregimenak indarrez erantzun die haren aurkako protestei. Irailaren 16an poliziak Mahsa Amini hil zuenetik areagotu egin dira matxinadak, eta segurtasun indarrek berrehundik gora manifestari hil dituela salatu dute giza eskubideek aldeko erakundeek. Herritarrek kalera ateratzeari utzi ez badiote ere, sare sozialak ere protestarako bide nagusi bihurtu dituzte. '#mahsaamini' etiketa 250 milioi aldiz baino gehiagotan zabaldu da persieraz, eta 50 milioi baino gehiagotan ingelesez, BBC hedabideak jaso duenez.
Iranen erresistentziarako existitzen diren hedabide bakarrenetakoak dira sare sozialak. Umoretik jo dute kasu batzuetan; esaterako, elizgizonei turbantea kentzeko "jolasa" zabaldu dute. Kleroak botere handia du Irango agintean.
Amini beloa “oker jantzita” eramateagatik atxilotu eta torturatu zuten, eta hortaz, protesten sinbolo bilakatu da emakumeek nahitaez jantzi behar duten zapia. Askok kendu egin dute publikoan, eta beste askok ilea moztu dute. Hortaz gain, kalean dantzan ageri diren irudiak zabaldu dira, Iranen debekatuta baitago halakorik, tradiziozko dantzak ez badira, behintzat.
.png)
Bestetik, pasa den urriak 30ean Iran hegoaldeko Bandar Abbaseko unibertsitate bateko ikasleek emakumeak eta gizonak banatzen zituen kafetegiko horma bota zuten, “askatasuna” oihukatzen zuten bitartean.
Komala alderdiak Irango Gobernuaren akusazioa ezeztatu du, eta adierazi du manifestariak “erreprimitzeko eta isilarazteko” saiakera dela.
Irango Zagros mendikatearen hegoaldean dagoen Ghar-e Boof kobazuloan ez dute hominidoen hezurrik aurkitu, baina bai haiek duela 80.000 urte inguru jandako animalien hezurrak; zehazki, 941 hezur.
Eta hezur horiek aztertuta, garai hartako dietaren berri jakin ahal izan dute... [+]
Niloofar Hamedi eta Elaheh Mohamadi kazetariek sei eta zazpi urteko kartzela zigorrak beteko dituzte AEBetako Gobernuarekin kolaboratzea, segurtasunaren aurkako delituak egiteko konspiratzea eta Irango Errepublika Islamikoaren aurkako jarduerak hedatzea egotzita.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.