Irakeko Parlamentuak Kurdistanen kontrako neurri militarrak hartu ditu, erreferendumeko %92ko baiezkoa zigortzeko

  • Irakeko Parlamentuaren arabera, “konstituzioaren kontrakoa eta baliogabea da” astelehenean Hego Kurdistanek egindako independentzia erreferenduma. Hainbat indarrezko neurri hartzeko eskatu diote lehen ministroari, Kirkuk-eko eskualdearen kontrola bereganatzea barne.

Xalba Ramirez @xalbaram
2017ko irailaren 29a

Turkia, Iran eta Siriaren laguntza eskatu du Irakek, mugak itxi eta Hego Kurdistango petrolioa eros ez dezaten eskatuz. Gainontzeko estatuei, Kurdistanen dituzten kontsulatuak ixteko eskatu diete ere.

Erreferendumaren behin betiko emaitzak ez dituzte aintzat hartuko

3.085.935 lagunek bozka eman zuten arren, inguruko herrialdeek ez dituzte emaitzak aintzat hartuko. Hego Kurdistango Hauteskunde Batzordearen arabera, %72ko parte hartzea izan du erreferendumak, baiezkoen %92rekin.

Hego Kurdistango presidente Barzanik berehalako independentziarik iragarriko ez dutela esan ostean, negoziazio luzeetarako deia egin zuen pasa den astean, “hainbat urte” iraungo lukeena. Ordea, Irakeko Parlamentuak erreferendumeko emaitzak kontuan hartuko ez diren elkarrizketak egiteko prest dago bakarrik.

Turkiako lehen ministro Erdogan hitz gogorrez mintzatzen ari da hegoaldeko kurduen kontra. Gas eta petrolio hobiak mozteko mehatxua egin du eta abisatu die “Israeleko banderak eramateak ez dizuela lagunduko”. Herrialde horren sostengua bilatuko luke balizko Kurdistan independente batek

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kurdistan  |  Turkia  |  Israel  |  Irak

Kurdistan kanaletik interesatuko zaizu...
Gose grebalari kurduak justizia eske

2018ko azaroaren 8an utzi zion jateari Leyla Güven legebiltzarkide kurduak. Mundua beste alde batera begira den bitartean, gose greban 100 eguneko langa kritikoa gainditua du berak, eta atzetik beste 400 kurdu baino gehiagok protestarekin bat egin dute. Eskaera bat eta bakarra dute: Abdullah Oçalan buruzagi presoaren 20 urteko isolamendua amaitzea. Hori lortu arte ez dutela jango diote.


2019-02-13 | ARGIA
JARRAIPENA | Newroz Eguna ospatuko dute Bilbo, Donostia eta Errekaleorren ere

Leyla Guvenek 2018ko azaroaren 8an hasi zen gose greban. 55 urte ditu. Erdoganen alderdiak Afrinen egin zituen operazioak salatzeagatik espetxeratu zuten "erakunde terrorista gidatu eta babestea" egotzita. 31 urteko espetxe zigorra jarri zioten. Urtebetez espetxean izan ostean, gose grebaren 79. egunean askatu egin zuten. Ehunka lagunek bat egin zuten bere protestarekin, gose greba mugagabeak abiatuz.


2019-02-08 | Leyla Güven
Munduko emakumeei gutun irekia, gose greban 100 egun betetzear den Leyla Güven kurduaren partez

Emakume agurgarriak, nahiz eta gure geografiak milaka kilometrok zatitu, pozik nago nire ahotsa heldu zaizulako. Munduko iskina oso ezberdinetan gauden arren, emakume gisa, beti aitortu izan dugu elkar. Hypatiak dioen bezala, "gutako inor ez da berdina, baina batzen gaituzten gauzak banantzen gaituztenak baino handiagoak dira". Ahizpak gara. Gehien batzen gaituzten gauzak askatasunaren aldeko borroka, era guztietako faxismoen, diktaduren eta pentsaera patriarkalaren aurkako... [+]


85. eguna gose greba mugagabean Leyla Guven kurduak, Ocalanen isolamendua amaitzeko eskatuz

Abdullah Ocalan PKK-ko buruzagi historikoaren espetxe isolamentua amai dadila eskatzeko, 85. eguna bete du gose greban Leyla Guvenek. HDP alderdiko legebiltzarkidea eta DTK alderdiko presidentea da. Mundu mailan Guvenen protestari oihartzun ematen ari dira ekintzaileak eta dozenaka lagunek gose greba abiatu dute batean eta bestean.


2019-01-08 | Topatu.eus
Hitzaldi bira bat eskainiko du udan Rojavan izandako brigadista talde batek

Irakaspenak jaso eta elkartasuna adierazteko asmoz joan ziren hainbat euskal herritar udan Kurdistango Rojava eskualdera. Bertan ikasitakoak partekatu asmoz egingo dute hitzaldi bira urtarrilean eta otsailean, sei herritan.


2019-01-07 | Hala Bedi
Rojavako Iraultzaren ekarpenak etxera ekartzeko unea

Aurreko udan Kurdistanen egondako talde batek, internazionalismoaren beharra azpimarratuz egin du publiko brigada. Hala Bedi Tabernan hitzaldia eskainiko dute urtarrilaren 30ean, baina ez da bakarra izango.


Hondamendia eragin du presa baten matxurak Kurdistanen

Diyarbakir probintziako iparraldean, Turkiaren menpe dagoen Kurdistanen, Dicle urtegiko presako ate bat hautsi zen abenduaren 13an eta urak inguru guztia hartu zuen.


Kurduera eta euskararen arteko lehen topaketa Berlinen

Euskaraldiaren barruan, Berlingo aberastasun linguistikoa aldarrikatzeko Sprachen im Widerstand. Kurdischer una Baskischer Abend ekitaldia antolatu zuen, Euskal Etxeak, Freie Unibertsitateko euskara irakurletza, Etxepare Institutua, Schöneberg auzoko PallasT elkartea eta Ciwan Tengezar kurduera irakasle eta musikariarekin batera.


2018-12-02 | Jabi Zabala
Suna Altun. Kurdueraren aldeko ekintzailea
"Francoren garaian euskara zegoen egoeran dago kurduera Turkian"

Garabidek Huhezin antolatutako Hizkuntza Biziberritzeko Estrategiak Aditu Ikastaroan parte hartzen ari da, bigarrenez, Suna Altun hizkuntzalari kurdua (Adıyaman, 1985). Duela bost urte hemendik eramandako ikaspenak gauzatzeko aukera handirik ez du izan, izan ere, kurduera biziberritzeko 2013 eta 2015 bitartean abiatutako ekimen guztiak zapuztu ditu Turkiako gobernuak azken hiru urteotan.


2018-10-14 | Aitor Aspuru Saez
Faiza Abdi
"Erakundeetan emakumeon eskubideak babestu ezean, iraultzak ez du emaitzarik izango"

Faiza Abdi Kobane kantoi kurduko Legebiltzarreko presidentea da, eta hango gonbidatuen etxean ongi etorria egin zion Durangotik joandako ordezkaritzari. Emakume hurbila, beroa eta alaia da. Munduan barrena ibilitakoa, Sobietar Batasunean eta Espainiako Estatuan izan da, besteak beste. Gerra hasi baino lehen Siriako hiri modernoetan bizi zen, orain, Rojavan lan egiten du buru-belarri: “Ez dut ezer faltan sumatzen, Kobanen gizatasuna dago nonahi”.


Azkenak
EGILEA
Eguneraketa berriak daude