Ipar Euskal Herriko osasun arloko langileek protesta eguna dute gaur
Konfinamenduaz geroztik finkaturiko lehen mobilizazioa dute ekainaren 16 honetakoa. Baionako suprefetura aurrean elkarretaratzea burutzen dabiltza ehundaka herritar, LAB eta CGT sindikatuen deiari erantzunez.
Koronabirusari aurre egiten hilabeteak pasaturik, nekatuak eta haserre daude osasun arloko langileak. Egoera salatzeko karrikara aterako dira astearte honetan Ipar Euskal Herriko zein Frantziako Estatuko osasun langileak. Krisi sanitarioa hasi aitzin jada zebiltzan mobilizatzen, murrizketak deitoratzeko eta benetako zerbitzu publikoa exijitzeko. Frantziako Gobernuak ez zien kasurik egin eta poliziaren errepresioa ukan zuten maiz erantzun gisa. Izurritearen gogorrena pasaturik, aldi honetan "entzunak" izatea espero dute. Orotara 11 sindikatuk dute gaurko mobilizazioetara deitu.
Ehundaka lagun batu dira Baionan, zerbitzu publikoaren alde. Mediabask komunikabideko Goizeder Taberna egon da bertatik txiokatzen:
« Txalo gutiago, errespetu eta ahal gehiago » eskatzen dute Baionako suprefeturaren aitzinean diren medikuntzako profesionalek pic.twitter.com/6lHGh8VoR2
— Goizeder Taberna (@Taberna_G) June 16, 2020
Ségur de la santé deitu elkarrizketa fasea maiatzean abiaturik du Frantziako Gobernuak, osasun arloan aldaketak bideratzeko asmoz.
Txaloetatik protestara
"Txaloak aski, borroka bai" lemapean finkatu dute Baionako mobilizazioa. Mobilizaziorako deia herritar guztiei luzatu diete sindikatuek, benetako "osasun zerbitzu publiko baten aldarria guztien onerako" delako. Ipar Euskal Herriari dagokionez, elkarretaratzea hasi dute 10:30etan Baionako suprefetura aitzinean. LAB eta CGTk deitu dute protestara.
Pertsona oso energetikoa da eta gorputzak uzten dion bitartean “ahalik eta gehien” disfrutatzen saiatzen da Espe Ciriza Asenna Nafarroako Endometriosi Elkarteko kidea (Iruñea, 1981). Endometriosia dauka, eta horren ondorioz, “izugarrizko” min... [+]
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]