Jean Castex frantziar lehen ministroak urtarrilaren 10ean telebistan jakitera eman duenez, kasu positibo baten kontaktu diren ikasleek gaurtik aurrera ez dute PCR edo antigeno proba farmazietan egin beharko. Horren ordez, etxean hiru auto-test egingo dizkiete gurasoek, eta emaitza negatiboa bada, gurasoek sinatutako ziurtagiriarekin ikasgelara itzuli ahalko dira haurrak.
Jean-Michel Blanquer Hezkuntza ministroak aginduriko osasun protokoloak astebete soilik iraun du eta hainbat gorabehera ekarri dizkie guraso eta ikasleei. Izan ere, abenduaren 3az geroztik, positibo zen ikasle edo irakasle baten kontaktuek farmazian PCR edo antigenoen testa egin behar zuten eta horrez gain, bigarren eta laugarren egunetan auto-testak egin. Baina farmaziak ez ziren eskaera itzelari erantzutera iristen.
Aurrerantzean, testak etxean kudeatuko dituzte gurasoek: guztira hiru auto-test egin beharko dituzte positibo baten kontaktu estuek. Lehen auto-testa kasua ezagutu den egunean, bigarren testa bigarren egunean, eta hirugarren testa laugarren egunean.
Eskolan sartzea ez dela ongi prestatu salatzeko greba deialdia egin dute hezkuntza sindikatuek (LAB tartean) urtarrilaren 13rako eta manifestazioa 11:00etan pasatuko da Baionako Suprefetura parean.
Farmazietan testak egiteko zailtasunaz gain, gurasoek bazuten nahiko lan kutsatze baten berri jakin orduko haurraren bila eskolara joateko. Castexek iragarri duenez, aurrerantzean ez dute berehala bila joan beharko, eskola egun hori amaitutakoan joango da kontaktu estua den ikaslea ere etxera.
Ipar Euskal Herrian txertoa jarrita duten herritarrek doan dituzte auto-testak. Txertatu ez diren herritarrek, aldiz, 2 eta 5 euro artean ordaindu behar dituzte eta farmazietan edo saltoki handietan saltzen dituzte baina ikasleentzako auto-testak farmazietan jasotzea aurreikusi du Gobernuak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]