Ipar Euskal Herriko ijitoen elkarteak salaketa jarri du LCI telebistaren kontra, arrazakeriagatik
LCI telebista kateko Parc Brunet, Hammett & Cie saioan jitoak lapurrei konparatzeagatik jarri du salaketa du Euskal Herriko Ijito Komunitatearen Zentro Sozio-kulturalak. Audiobisualaren eta numerikoaren sektoreaz arduratzen den ARCOM autoritatearengana ere jo du gertatutakoa salatzeko.
Natalia Turine kazetari eta editore errusiarrak ondokoa adierazi zuen apirilaren 17ko LCI kateko Parc Brunet, Hammett & Cie saioan: "Kazetaritza, leku ainitzetan gainera, ijitoen kazetaritza bilakatu da". Aurkezle lanetan zebilen Eric Brunetek baieztapenari buruzko zehaztapenak galdetu eta "erran nahi dudana informazio porroskak ebasten dituztela da" izan zuen erantzun gisa. Trufaz eta diskriminazioz iharduki zion horri aurkezleak: "Kasu, 'ijitokeria' oldartuko zaizu! Ez da hori erraten".
Beste behin ijito izateagatik arrazakeria pairatu beharra. Horregatik, arrazakeria hori esku artean, Parisko prokuradoaren aitzinera jo dute, salaketa jarriz. Euskal Herriko Ijito Komunitatearen Zentro Sozio-kulturala elkarteko bi kidek hasi dute borroka juridiko hori. "Banalizazioa dugu gaur egungo arazoa. Konplexurik gabeko arrazakerian gara. Ez da eskubiderik, telebistan, ikusle anitz dituen ordu batean, lasaiki sinonimo gisa jartzea ijitoak eta lapurrak", adierazi dute elkarteko kideek Urdin Euskal Herri Irratia-n.
Frantziako audiobisualaren eta numerikoaren sektoreaz arduratzen den ARCOM autoritatearengana ere jo dute gertatutakoa salatzeko.
LABeko Idazkaritza Antirrazistako arduradun Josefina Txefi Rocok eta zenbait afiliatu migratzailek azaldu dute nola sindikatuak helburu duen langile migratuen eta/edo arrazializatuen eskubideak eta antolaketa kolektiboa defendatzeko tresna baliagarriak eraikitzea.
Bilboko Deustuko Erriberako Janari Saskiak, Atxuri Harrerak, SOS Arrazakeria Bizkaia eta Ongi Etorri Errefuxiatuak elkarteek hamairu etxegabe migratzaile izateagatik Poliziak "gaizkile gisa" tratatu dituela salatu dute, astelehenean egindako elkarretaratzean.
SOS Arrazakeriak protesta egin du Hauteskunde Batzorde probintzialaren aurrean, Nafarroan bozkatzeko eskubidea aitorturik ez duten herritar guztien boto eskubidea eskatzeko. Diotenez, 60.000 pertsona inguruk ezingo dute bozkatu maiatzaren 28ko hauteskundeetan, eta... [+]
Duela mende bateko esperimentua errepikatu dute Euskal Herriko ikastetxe batean, 7-8 urteko haurrei panpina zuria eta panpina beltza aurrean jarrita, eta emaitzek garbi utzi dute: zuriari ezaugarri positiboak egotzi dizkiote, beltzari negatiboak (behean bideoa). “Umeak... [+]