Intsumisioaren borroka goratuko duen dokumentala egiteko diru bilketa hasi dute

  • 2 Urte, 4 Hilabete du izenburua filmeak eta  abendurako amaitu nahi dituzte muntaketa lanak.

ARGIA @argia
2019ko maiatzaren 07a
Intsumisoak Iru˝eako espetxeko patioan

Soldaduskaren aurkako borroka intsumisoak Euskal Herria astindu zuen duela 30 urte. Milaka izan ziren Espainiako armadari ezezkoa eman zioten intsumisoak; askotarikoak haien arrazoiak, baina komuna borrokarako oinarrizko erreminta: desobedientzia. Espetxearekin ordaindu zuten euren jarrera horietariko askok.

Lander Garro izango da zuzendaria, Izar Films eta Labrit Multimedia ekoiztetxeekin elkarlanean arituko da. Dokumentala egin ahal izateko crowdfunding kanpaina abiatu dute ekimenaren sustatzaileek Verkami atarian.

Dokumentalak intsumisioaren borroka gogoratuko du orduko sei protagonistaren bidez. Ez soilik iragana goratzeko asmoz, orainaldiari eta etorkizunari heltzeko euskarri bezala ere. Sustatzaileek ohartarazten duten moduan, Europako eskuin muturraren eta militarismoaren hazkundearen aurrean antimilitarismoaren baloreak oso beharrezkoak dira egun ere.

Dokumentalaren trailerra hemen ikusgai:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Zinema  |  Antimilitarismoa

Zinema kanaletik interesatuko zaizu...
Azkenak
EGILEA
Eguneraketa berriak daude