Iñigo Cabacasen hilketaren gaineko epaiketa astelehenean hasiko da
Ertzaintzaren pilotakadaz hil zen Iñigo Cabacas 2012ko apirilaren 5ean. Sei urte eta erdiren ostean, epaiketari bide emango zaio.
Urriaren 15eko astelehenean hasiko da ahozko epaiketa EAEko Auzitegi Nagusian, eta azaroaren 9a arte iraungo du. Sei ertzain epaituko dituzte “zuhurtziagabekeria larrizko hilketa” delituagatik. Akusatuetako hiruk arduraren bat izan zuten polizia operazioan, eta beste hiruk tiro egin izana aitortu dute.
Kasuaren gaineko ikerketaren arabera, 2012ko apirilaren 5eko polizia operazioan Ertzaintzat ez zuen proportzionalki jokatu. Fiskalak, baina, ez du deliturik ikusten gau hartan Ertzaintzak egindako esku-hartzean, eta ondorioz delitugilerik ez dagoela defendatu du.
Akusazio partikularrak lau urteko kartzela zigorra eta sei hilabeteko gaitasungabetzea eskatzen du polizia agente bakoitzarentzat.
Cabacasen familiak eta Iñigo Gogoan plataformak salatu dutenez, trabaz beteriko prozesua izan da orain artekoa. Eta gehitu dute hilketaren “arduradun” guztiak ez direla eseriko akusatuen aulkian, egun hartako polizia operazioaren arduraduna kasu, Ugarteko goitizenez ezaguna dena.
Mobilizazio deialdia
“Justizia Iñigorentzat!” lemapean, epaiketaren ataritan mobilizatzeko deia zabaldu dute. Igandean, urriaren 14an, elkarretaratzea egingo da Justizia Jauregiaren aurrean, 19:00etatik 20:00etara. Igandetik astelehenerako gaua Albiako lorategietan igarotzeko gaubela antolatu dute, eta astelehen goizean, epaiketaren lehen egunean, bigarren elkarretaratze bat egingo da 08:00etan, Justizia Jauregi parean.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]