ARGIA.eus

2020ko maiatzaren 29a

Ertzain batek Eusko Jaurlaritzako abokatuekin testigantza prestatu zuela onartu du

  • Iñigo Cabacasen heriotza eragin zuen gauean polizia operazioan zegoen ertzainetako batek, auzitegian eman beharreko testigantza adosteko Eusko Jaurlaritzako abokatuekin eta Ertzaintzako nagusiekin bildu zela aitortu du.

I˝igo Igartua @igartua19
2018ko urriaren 25a
(Argazkia: Ecuador Etxea)

Ertzainak protagonista izan dira protagonista asteazkeneko saioan; 7422 zenbakidun agentearen deklarazioak markatu du arratsaldeko saioa.

Aurretik deklaratu zuten beste agenteen bide beretik zihoan testigantzak, 180 graduko bira eman zuen akusazio partikularrak deklarazioa adosteko Eusko Jaurlaritzako abokatuekin edo Ertzaintzako nagusiekin bildu zen galdetu ziotenean. Lekukoak baiezko erantzuna emanik amaitu zuen bere txanda.

Auzitegian presente zeuden pertsonak zur eta lur gelditu arren, bat baino gehiagok susmatu zuen ordurako lekukoek deklarazioetan egia esateko betebeharra ez zirela betetzen ari: Inork ez zuen agintaririk entzun tiro egiteko agindua ematen; pilotak jaurti aurretik ohartarazpen oharrak eman zutela esan zuten denek; eta apenas ikusi zuten inor tiro egiten.

Egun osoan deklaratu zuten ertzainen bertsioen antzekotasunak ere epaimahaiko kideen arreta deitu zuen hasieratik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Inigo Cabacas auzia  |  Bilbo

Inigo Cabacas auzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude