Inditexeko 79 behargin daude kaleratze arriskuan Hego Euskal Herrian

  • Itxierek eta kaleratzeek ez dute etenik arropa dendetan. 'Online' salmenta sustatzeko planaren barruan, Eibarko Stradivarius eta Garberako Zara Home ere itxi egin nahi ditu Inditexek; horrekin, Hego Euskal Herrian 79 lirateke kaleratze arriskuan dauden langileak. H&M multinazionalak ere 56 behargin kanporatu nahi ditu.

Artikulu hau CC BY-SA 2.0 lizentziari esker ekarri dugu.

2021eko maiatzaren 21an - 13:33

H&M multinazionalak apirilean jakinarazi zuen haren jabetzako 30 denda inguru itxiko dituela Espainiako Estatuan eta, espediente baten bidez, arropa dendetako hainbat langile kaleratuko zituela. Hego Euskal Herrian, zehazki, 56 behargin bidali nahi ditu kalera enpresak, eta horren aurrean greba mugagabeari ekin diote langileek.

H&M ez da izan, ordea, online salmentak sustatu eta aurrez aurreko salmentarako denden itxiera iragarri duen enpresa bakarra. Inditexen helburua da salmenten laurdena online egitea, eta horrek eragin zuzena izango du bere jabetzako arropa dendetako beharginengan. Besteak beste, Inditexenak dira Zara, Oysho, Stradivarius nahiz Bershka dendak.

Aurreko urte amaieran xehatu zuen Inditexek haren asmoa dela Hego Euskal Herrian 20 saltoki ixtea, eta beraz, 66 langile leudeke kaleratze arriskuan. Berria-k jakinarazi duenez, gainera, zerrenda hori handitu da orain: zarratu egingo dituzte Eibarko (Gipuzkoa) Stradivarius eta Garberako (Donostia, Gipuzkoa) Zara Home ere. Hala, bederatzi langile kaleratuko lituzkete Eibarren eta lau Garberan, eta guztira, 79 lirateke Hego Euskal Herrian kaleratze arriskuan daudenak.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude