Indarkeria obstetrikoa existitzen denik ukatu du Espainiako Ginekologia eta Obstetrizia Elkarteak

  • “Indarkeria obstetrikoa: legalki delituzko kontzeptua, moralki desegokia, zientifikoki onartezina” titulua daraman komunikatua publiko egin du SEGOk (Espainiako Ginekologia eta Obstetrizia Elkarteak). Idatziak adierazpen misogino, kolonialista eta arrazistak barnebiltzen ditu.

Amaia Lekunberri @amaialekunberri
2018ko azaroaren 08a
(Ilustrazioa: Belligera)

Osasun alorreko langileen partetik haurdun dauden emakumeenganako indarkeriarik ez dela existitzen adierazi du elkarteak, Ourenseko (Galizia) Complexo Hospitalario Universitarioko ginekologo David Gómezen izena ahotan hartuta, eta biolentzia obstetrikoaren gaia mahaingaineratu duten gainontzeko ginekologoak interpelatu asmoz. Indarkeria hau medikuntza “espekulatibo” eta “totemiko” baten asmakuntzatzat jotzen du idatziak, eta indarkeria obstetrikoa espekulazio hutsera mugatuta, beraien burua horretaz salbu dela ondorioztatu.

Hautsak harrotu ditu idatziak, eta izan du erantzunik ere. Dona Llum Erditze Errespetagarri baten aldeko Elkarte Katalanak publiko egindako idatzian, itzulingururik barik baieztatzen du SEGOko partaideak auzitegian egonak direla, praxi okerragatik zigortuta. Horrez gain, komunikatua soilik gizonezkoek osaturiko Kontseilu Errektore eta Aholkulariak sinatu izana esanguratsua dela ere nabarmentzen du. “Beti bezala, dena emakumeengatik baina emakume barik?”, diote ironikoki.

Hasieratik amaierara, komunikatuak joera ideologiko nabarmena dauka. Jada tituluan, indarkeria obstetrikoarena delituzko kontzeptua dela adierazten da, Zigor Kodeak halakorik jasotzen ez baldin badu ere. Kontzeptua desegokitzat ere jotzen da moralaren izenean, eta zentzu honetan argi mintzatu dira Dona Llumeko kideak: “beste behin, moraltasunaren izenean, emakumeak jasan eta isildu egin behar gara gure eskubideak urratu eta bortxatzen diren bitartean, haurdunaldia eta erditzea bezalako prozesu fisiologikoak justifikaziorik gabe patologizatzen  eta medikalizatzen dituzten bitartean”. Orain artekoa gutxi ez, eta kontzeptua zientifikoki onartezina dela ere adierazten da.

Ez da SEGOren izaera matxista agerikoa egiten den lehen aldia. 2011. urtean elkarteak publiko egin zituen Javier Server Gozálvez ginekologoaren bineta batzuk arrabotsa eragin zuten, horietan ematen zen emakumearen irudia mespretxagarria izateagatik. Egin zitzaizkion kritikak eta jaso zituen salaketen aurren, garai hartan elkarteko presidentea zen José María Laillak defendatu egin zituen binetak: “Gizon honen marrazkia (marrazkien egilea) gauza alai bat da. Ez zaio garrantzia gehiagorik eman behar. Umorea da eta listo. Jendarteak baditu gauza garrantzitsuagoak”.

Indarkeria obstetrikoaz harago

SEGOk idatzitako komunikatua, baina, ez da indarkeria obstetrikoa ezeztatzera mugatzen. Beraien arrazoiak azalduz idatzitako lerro artean, diskurtso ideologiko misogino, arrazista eta kolonialista antzeman daiteke. Hasieratik gertu, beraien eginkizun nagusia “etengabe emakumeen osasuna hobetzen joatea” dela adierazten dute, ñabardura batekin: “bereziki Espainiakoena eta jaiotzear diren hauen haurrena”. Lehentasun hori markatu eta segidan, elkartearen influentziak beren lurraldetik harago ere eragiten duela diote: “gure influentzia obstetriko-ginekologikoak erabakigarria eta preziatua izaten jarraitzen du SEGOk esku-hartzen duen eremu deprimituetan”. Dona Llumek elkartearen ustezko prestigioa justifikatzeko kolonialismoa eta arrazismoa erabiltzea leporatu die, baita salbatzaile txuriaren konplexua izatea ere.

SEGOk osasunaren berrikuntza eta produkzioari egiten dizkion aurrerakuntzak ere azpimarratzen dira komunikatuan, zeinari elkarte katalanak hurrengo puntualizazioa egin dion: “eremu obstetrikoko aurrerakuntza gehienak emakumeen borroka eta aktibismotik egiten ari dira (…), nahiz eta erresistentziak eta zuen instituzioaren gaitzespena izan”. Ildo honetan, mediku-autoritatearen bitartez emakumeen bizipenei dagokien jakinduriari ezikusia egitea kritikatu diete, baita “beldur patologizadorearen” diskurtsoa erabiltzea eta beraien prozedura zientifikoen menpe egotea onartzen ez duten emakumeak ama arduragabekotzat jotzea ere.

Dona Llumek arreta berezia eskaini dio SEGOren komunikatuko pasarte bati, “misoginoa delako eta bizitzaren ulerkera belizista batean oinarritzen delako”. Elkartearen hitzetan, “erditzean, norbanako bakoitzak bakarrik egiten dio aurre bere etorkizunari, baginako hamar zentimetrotan”. Elkarte katalaneko kideek haurra inoiz bakarrik ez dagoela erantzun dute, eta argitu bagina ez dela “terrorezko pasaleku bat, ez sorginaren trena, ezta segada hilkorra ere”. Bagina, berez, bizia mundura ekartzeko gai dela azpimarratzen dute, batez ere “hirugarren pertsona batzuk izorratzen ez badute”.

“Ama bat SEGOrekin kritikoa bada ez da bere haurrarekiko maitasun faltagatik, baizik eta honekiko maitasun ikaragarriagatik, zeina informatu egiten den bere erabaki propioak hartzeko eta ahalik eta hobekien zaintzeko. Nahikoa da paternalismoaz, nahikoa da gure haurrak guk baino hobeto maitatu eta ezagutzen dituzuela uste izateaz. Ezin daiteke haur bat maitatu bere amarekiko misoginoa izanik”, adierazi dute Dona Llumeko kideek.

Indarkeria obstetrikoa gurean

SEGOren komunikatuak harrotu ditu hautsak gurean ere. Haurdunaldiak, erditzeak eta erdiondoak etxean bertan artatzeko zerbitzua eskaintzen duten Magale proiektuko emaginak ere haserre agertu dira komunikatuarekin, eta sare sozialetan zabaldutako mezu batean hurrengoa adierazi dute: “Indarkeria obstetrikoa errealitate bat da eta denon erantzukizuna izan beharko litzateke berau salatzea eta ez ukatzea”. Argi utzi nahi izan dute osasun alorreko profesional guztiek biolentzia obstetrikoa erabiltzen ez dutela, eta “ebidentzia zientifikoen arabera eta emakumeak errespetatuz” lan egiten duten baliozko pertsona badirela. Hala ere, oraindik egiteko asko dagoela adierazi dute, komunikatua horren adibide gisa erabiliz.

Beraien jardunak erakutsi die Magaleko kideei indarkeria obstetrikoa indarrean dela, eta zenbait adibide ekarri dituzte gogora. Etxean erditzeagatik emakume bati gamaglobulina anti-D (Rh- baxua izateagatik erditu ostean jarri ohi den txertoa) errezeta ukatu ziotela azaldu dute, eta nola ginekologoak esan zion bakuna nahi izatera ospitalean erditu besterik ez zuela. Beste emakume baten kasua ere jarri dute adibide modura, zeinak erditzea etxean hasi arren ospitalera jo behar izan zuen erditzeak aurrera egiten ez zuelako. “Kulerorik gabe, etzanik eta hankak airean, hiru ginekologok axolagabetzat joaz egindako errieta jasan behar izan zuen”, azaldu dute.

Biolentzia horrek berauei ere eragin diela adierazi dute: “Geu ere presionaturik sentitu gara osasungintzako kargu altuak, etxeko erditzeak artatuz burutzen dugun lan arriskutsuaz ohartarazi asmoz, gure erizaintza elkargoko presidentearekin egindako bilerekin”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Medikuntza

Indarkeria matxista kanaletik interesatuko zaizu...
2018-11-14 | Hiruka .eus
Martxoaren 8an ikasle biri eraso zien irakaslea hilabetez zigortuko du EHUk

EHUk lana eta soldata kenduko dizkio, hilabete batez, joan den martxoaren 8an ikasle bi makilaz jo zituen Medikuntza Fakultateko irakasleari. Erasoa jasandako emakumezko biak greba feministaren mobilizazioetan parte hartzen zebiltzan.


2018-11-12 | ARGIA
Bikotekideari eta semeari erasotzea leporatuta, gizonezko bat atxilotu dute Santurtzin

Erietxean larri jarraitzen du Lekeition jipoitu zuten gazteak, lehenago labanaz beste bati eraso ondoren.


2018-11-08 | Amaia Lekunberri
Eraso matxisten aurrean EHUk erasotuak babesten ez dituela salatu du Hainka taldeak

Leioako campusean egin dute prentsaurrekoa Hainka Ikasle Feminista taldekoek, ostegunean. Martxoaren 8an irakasle baten partetik jasandako erasoa eta honen aurrean EHUk izandako jarrera pasiboa salatu dituzte.


2018-11-05 | ARGIA
Bilbon jazotako azken eraso matxistak salatzeko, elkarretaratzea egingo dute Indautxu plazan

“Erasorik ez erantzunik gabe!” goiburupean eta Zirgariak Indautxuko talde feministak deituta, azaroaren 5eko astelehenean egingo da elkarretaratzea, 19:30etan.


2018-11-04 | Amaia Lekunberri
Indarkeria matxista salaketak
Prozesu judizialaren argi-ilunak

Indarkeria matxista kasuak denuntziatzeko joera indartzeko asmoz, salaketak jartzearen garrantzia azpimarratzen duten mezuak han eta hemen aurkitu daitezke. Era berean, baina, oso gutxi jakin ohi da behin salaketa jarritakoan martxan jartzen den prozesu judizialari buruz, eta ezjakintasun horrek salatzaileari albo kalteak eragin diezazkioke. Erasoak salatzeak bezainbeste garrantzi baitauka honen gaineko ikerketa eta prozesua bideratzeko moduak. Salaketa bat jartzeari begira, indarkeria... [+]


2018-10-25 | ARGIA
'La Manada'-ko militarra, armadatik kanporatua

Alfonso Jesús Cabezuelo, 2016ko Sanferminetan neska bat taldean bortxatzeagatik akusatuetako bat, Espainiako Armadatik kanporatu dute, Defentsa Ministerioak jakinarazi duenez.


2018-10-25 | ARGIA
Azken hilketa matxista salatzeko mobilizazioak egingo dira

Yolandaren hilketa gaitzesteko deialdiak egin ditu Euskal Herriko Emakumeon Mundu Martxak. Iruñean asteazkenean egin dira elkarretaratzeak, eta Bilbo, Donostia eta Gasteizen ostegunerako egin dituzte mobilizazioa deialdiak.


2018-10-23 | ARGIA
Iru˝eko sutean zauritutako emakumea hil da, pairatutako indarkeria matxistaren ondorioz

Orain astebete izandako sutean zauritu zen emakumea eta ordutik Zaragozako (Aragoi) Miguel Servet ospitalean egon da, asteartean hil den arte. Gizona atzo espetxeratu zuten behin-behinean.


2018-10-22 | ARGIA
Bi eraso matxista eman dira asteburuan, Barakaldo eta Bilbon

Sexu erasoak izan dira biak. Kasu batean zein bestean, erasoa jasan duen emakumeak salaketa jarri du.


2018-10-19 | ARGIA
Adingabe bati sexu erasoak egiteagatik atxilotu dute gizonezko bat Bilbon

Lakuako Segurtasun Sailak jakinarazi duenez, erasoa jasan duen emakumeak erasotzaileak lan egiten zuen zentro berean ikasten zuen.


Eguneraketa berriak daude