Indarkeria matxistagatik hiru gizon atxilotu dituzte azken hiru egunetan

  • Donostia, Bilbo eta Gasteizen gertatu dira erasoak. Atxilotuek 27, 24 eta 35 urte dituzte, hurrenez hurren.


2019ko urtarrilaren 29an - 16:18
Eraso matxista bat salatzeko elkarretaratzea Bilbon (Argazkia: Ecuador Etxea)

Urtarrilaren 27ko igande goizaldean gertatu ziren erasoetako bi. Donostian, 27 urteko gizonezko batek emakumezko bikotekidea jo zuen. Segurtasun Sailaren arabera, Ertzaintzak Boulevard inguruetan borroka bat antzeman zuen, bi gizonen artekoa. Bietako batek ikusi egin zuen eraso matxista, eta emakumeari laguntza eskaintzera hurbildu zen. Erasotzailea bere kontra oldartu zen orduan.

Emakumeak zauriak zituen erasoaren ondorioz. Ertzaintzak erasotzailea atxilotu zuen.

Igande goizaldean jazo zen Bilboko erasoa ere. Udaltzaingoak ikusi zuen nola jotzen zuen 24 urteko gizonezkoak emakumezko bikotekidea, eta atxilo eraman zuten.

Asteartean 35 urteko gizonezko bat atxilotu du Ertzaintzak Gasteizen, emakume bati sexu erasoa egitea leporatuta. Segurtasun Sailak adierazi duenez, erasoa pairatu zuen emakumeak salaketa jarri zuen astelehenean. Atxilotua epailearen esku egotera pasa da.


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude