Iñaki Anasagasti: “EAJkoa ez banintz, agian blog lehiaketa hori irabaziko nuen”
Ez dakigu ironikoki ala serio-serio bota duen, baina Iñaki Anasagasti EAJko senatariak bere blogean idatzitakoak bazterrak nahastu ditu. Ideas.es blog-sare espainiarrak bitakora politiko onenak aukeratzeko lehiaketa antolatu du. Finalera hiru politikariren blogak heldu ziren: Iñaki Anasagastirena, Patxi Lopez PSE-EEko idazkari nagusiarena eta Guillermo Fernandez Vara Extremadurako presidentearena. Hirugarrenak irabazi du. Eta Anasagasti haserretu egin da.
Ideas.es blog-sarearen erabakiaren berri izatean, post polemikoa idatzi zuen Anasagastik bere blogean: "Si no hubiera sido del PNV igual hubiera ganado un premio de blogs". Guillermo Fernandez Varari maitasun lerroak eskaini zizkion artikuluan: "Zoragarri. Zoriondu egiten dut. Eta gustatuko litzaidake jakitea presidenteak bere bloga elikatzeko beltz deitutakoen laguntza ez ote duen. Ez du axola. Sekulakoa litzateke bere blogetik Zarzuelako paretak astintzea lortu duen EAJko senatariari sari bat ematea. Bazekien inork Extremadurako presidenteak blog bat zuenik?". (Bakoitzak duen erantzun kopuruari so egiten badiogu baietz esango genuke, baina...)
Ironia fina (finegia, aukeran) ala kasketaldi potoloa? Iñaki Anasagastiren artikuluari erantzun dioten hainbat erabiltzailek ere galdera bera egiten dute. Ez, ordea, internauta horietako batek, Guillermo Fernandez Varak. Nabari da Anasagastiren figura literarioaren aipuari literarioki heldu diola: "Gauza bat soilik esan nahi dizut. Ez daukat beltzik, zuk deitzen diezun bezala. Beltzak gehiago errespeta itzazu. Nire lekuan egonez gero, beltzak izango zenituzkeelako duzu susmo hori. Ez gauzak nahastu, eta jendea ezagutu gabe ez iraindu".
Anasagastik, noski, ezin izan dio Fernandez Vararen gaizkiulertuari zukua ateratzeko tentazioari eutsi. Herritar beltz eta beltz edo ezkutuko kolaboratzaileen arteko desberdintasunekin arerioa apur bat xaxatu ostean, benetako erasoa jo du EAJko senatariak: "Beltzei buruz leporatzen didazuna, euskaldunekiko sentitzen duzuna da; mespretxatu egiten dituzula dirudi (...) Zure bloga elikatzen duten kolaboratzaileak dituzu. Nik ez. Hori da desberdintasunik handiena. Goza ezazu sariaz eta jarraitu orain arte bezain lotsagabe eta iraingarria izaten, antza denez horrek zure herrian botoak ematen ditu eta".
Eta Fernandez Vararen erantzuna, zauriak ixteko asmoz-edo: "Nik ez dut inor mespretxatzen, ez itzazu gauzak nahastu. Zure herrian –neurri batean nire ere sentitzen dut– extremadurar asko daude; euskaldunak ere badira, eta badakite nolakoak garen".
Enfin... bi politikarien arteko elkarrizketa birtuala halaxe bukatzen da. Kontu honi buruzko albistea El País egunkarian irakurri dezakezue. Bide batez, Pablo Arangurenek ezkutuko idazleei (beltzei) buruz ARGIA aldizkarian idatzitako artikulua ekarri dut hona: www.argia.eus/argia-astekaria.
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Sentimenduak izan da gaia Galdera Basatiak podcastaren seigarren atalean, eta horren bueltan zeharkatu dituzte Iñigo Martinezek eta Gari Moyak maitasuna, gorrotoa, tristura, haserrea... Hitz egin dezagun sentimenduen eta emozioen inguruan, baina gogoetatu ere, gogoetatu... [+]
Lehen ministro Luis Montenegro buru duen AD koalizio kontserbadorea gailendu da Portugalgo Legebiltzarrerako hauteskundeetan, bozen %61 lortuta –iaz %51 eskuratu zituen–. Irabazleen artean Chega eskuin muturreko alderdiko hautagai André Ventura ere badago,... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Israelgo Estatuaren aldeko funts batek Espainiar Estatuko makrojaialdi gehienak erosi ditu. To. Hondartza ondoan noria eta guzti duen jaialdia zein hardcoreta tatuajedunak joaten direna, 1.400 miloi euroko trukea, Palestinako kolonia israeldarretan etxebizitzak eraikitzeko... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]
A ze pagotxa!, esan ohi dugu. Pagotxa edo mauka edo txokoa edo mantxunga edo… onturre edo probetxu ona ateratzen zaion zerbaiti edo horren aukerari esaten zaio “pagotxa”.
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]
Haurtzaroan, lursailen batean, parkeren batean edo baserri giroko lurretan sarritan izaten genituen “txitxareak” eskuartean… Jolas guneak gero eta artifizialagoak diren garai hauetan ordea, zaila da hiri nahiz herri-guneetan halakoak topatzea. Baina itsasoko... [+]