Immigrazio Lege berriaren aurka kalera atera dira Baionan

  • Mobilizatzera deitu duten eragileek salatu dute Immigrazio Lege berriak ez diola erantzuten “erbestera behartuta doazenak modu duinean hartzeko betebeharrari”.


2024ko urtarrilaren 22an - 12:54
Azken eguneraketa: 2024-01-23 10:26:30
Immigrazio lege berriaren aurka, Frantzian eginiko manifestazio jendetsuenetako bat. // Argazkia: EITB

Iragan abenduan onartu zuen Immigrazio Lege berria Frantziako Asanblea Nazionalak, baina zer-esana ematen jarraitzen du oraindik ere. Ipar Euskal Herriko hainbat gizarte eragilek mobilizazioa egin dute igandean, Frantziako suprefeturaren aurrean. Salatu dute legeak ez diola erantzuten arrazoi ezberdinen ondorioz “ihes egitera behartuak izan diren gizon, emakume eta haurren beharrei”, eta ezta horiek “modu duinean hartzeko betebeharrari” ere. Legea bertan behera uzteko eskatu dute antolatzaileek.

Ezkerreko alderdiek eta ekologistek legearen aurkako helegitea aurkeztu zuten Konstituzio Kontseiluan, eta hark datorren ostegunean, hilak 25, emango du testuaren konstituzionaltasunari buruzko erabakia. Izan ere, zalantzak daude arau berria uztartu ote daitekeen Frantziako Konstituzioarekin.

Baionan ez ezik, Frantziako Estatu osoan ere protestak izan dira asteburuan, eta dozenaka mila lagun atera dira kalera. Orotara, 164 martxa zeuden deituta herrialde osoan.

 

 


Kanal honetatik interesatuko zaizu: Migrazioa
Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


2024-04-10 | ARGIA
Migratzaileei laguntzeagatik gutxienez 117 pertsona auzitara eraman dituzte Europan 2023an

Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.


Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Eguneraketa berriak daude