ARGIA.eus

2020ko uztailaren 09a
Salvador Illa:

"Erkidegoen arteko mugikortasuna arautzeak Espainiako Gobernuaren esku jarraituko du"

  • Espainiako Gobernuko Osasun ministro Salvador Illak atea itxi dio mugakide diren erkidegoen artean herritarren mugikortasuna baimentzeko aukerari. Hirugarren fasean sartzen diren erkidegoen proposamenak “elkarrekin” aztertuko dituztela adierazi du, nolanahi ere.

ARGIA @argia
2020ko ekainaren 04a
Salvador Illa osteguneko agerraldiaren aurretik egindako isilunean.

Aurretik ere esana zuen arren, ostegun honetako agerraldian Illak berretsi egin du Espainiako Gobernuaren asmoa: erkidegoen arteko mugikortasuna arautzea bere esku egongo da oraindik, nahiz eta erkidego horiek deseskalatzearen hirugarren fasean egon. Hala, azken egunetan hainbat autonomia erkidegotako presidenteek –tartean EAEko Iñigo Urkulluk– eta Jose Luis Ábalos Espainiako Gobernuko Garraio ministroak berak ere egindako proposamena ez du aintzat hartuko Pedro Sánchezen exekutiboak.

Illaren esanetan, Covid-19aren “gaixotasuna prebenitzeko bektore garrantzitsuenetako bat da” mugikortasun hori kontrolatzea. Nolanahi ere, ministroak azaldu du hirugarren fasean dauden erkidegoetako presidenteekin batera aztertuko dituztela gai horren inguruko proposamenak.

Hirugarren fasean sartzen diren lurraldetan presidente autonomoek “deseskaladaren gestioan erantzukizun osoa” izango dutela gainera tu du Illak, “beraiek izango dira eskuduntza izango duten agintariak, zehazki erritmoak gestionatzeko, normaltasun berrira igaro eta alarma egoera amaitzea barne”.

Bai Nafarroako erkidegoak bai EAEk jadanik egina dute datorren astelehenean hirugarren fasera igarotzeko eskaera eta Espainiako Gobernuak erantzuna ondorengo orduetan ematea espero da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Mugikortasuna

Covid-19 shockean adi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude