Ikusgune LGTBI+fobiaren aurkako behatokia saritu du EHGAM-ek
EHGAM Euskal Herriko Gay-Les Askapen Mugimenduak 20 urtetik gora daramatza Urrezko Hirukia eta Trapuzko Espartina banatzen, sexu askapenaren aldeko lana saritzeko lehena, eta sexu askapenaren aurkakotasunak seinalatzeko bigarrena. Ekainaren 24an banatu dituzte aurtengo sariak, eta Gasteizko LGTBI+fobiaren aurkako Ikusgune behatokiaren lana saritu dute Urrezko Hirukiarekin. Trapuzko Espartina ikastetxeetan sexu aniztasuna lantzeko aurkako jarrerei eskaini diete.
Urtero egin ohi duen legez, ostiralean Urrezko Hirukia eta Trapuzko Espartina banatu zituen EHGAMek Bilboko Bira Kulturgunean. "EHGAMen ibilbide indarberrituan" ere orain bi hamarkada baino gehiago abiatutako ohiturari eustea erabaki dute. "Hamaika arrazoi daude Euskal Herri mailan sexu askapenaren alde lan egiten duten pertsona, proiektu, ekimen edota kolektiboak saritzeko. Izan ere, asko gara, pertsona oro aske bizitzeko egunerokotasunean lanean jarraitzen dugunok (...) Baina, tamalez, sexu askapenaren aldeko lan hau zapuztea nahi duenik ere bada. Oraindik, LGBTI+ pertsonok gure eskubideak osotasunean bizitzeko oztopoak jartzen dituzten jarrera, diskurtso, politika publiko edota taldeak daude", adierazi dute.
Hala, beste behin saritu dute sexu askapenaren aldeko lana, eta seinalatu beronen aurkakoa. Ikastetxeetan sexu aniztasuna lantzearen aurkako jarrerari eskaini zioten Trapuzko Espartina, ulerturik ukatu egiten duela sexualitatearen aniztasuna, genero rol eta estereotipoak ikuspegi
esentzialistatik birsortu eta indartze dituela, ikastetxeak zenbait pertsonarentzat espazio arrotz eta ez-seguruak izatea bultzatzen duela, eta funtsean errealitatea bera ukatzen duela.
"Zaila da jarrera bati sari bat jaurtitzea, baina tamalez, jarrera horiek hartzen dituzten hamaika izen-abizen eta talde daude. Nazioartean, Hungariako Orbán bezalako faxistak, Errusiar estatuaren LGBTfobia, pin parentala aldarrikatzen duen Espainiako VOX alderdi anti-feminista eta LGBTfoboa, Ayuso bezalako neoliberal ultraeskuindarra, Castellongo epaile homofoboa edota Abokatu Kristauen Elkartea. Baina gurean ere badaude horrelako jarrerak bultzatzen dituztenak, adibidez, Euskal Herriko Feminista Erradikalak auto-izendatutako taldea, zeinak eskoletara idatzi bat bidali duen, non sexu aniztasuna lantzen duten eragile ezberdinak kriminalizatzen dituzten. Horientzat guztientzat, beraz, trapuzko espartina". Hori esanda, eta Urrezko hirukiaren banaketari bide eman aurretik, dei egin zuten E28 Bizkaiko Koordinadorak ekainaren 28an deitutako manifestazioarekin bat egitera; koordinadorak eskatu bezala, publikoki adierazi zuten beren irakurketarekin atxikimendua, zeinak jendartean posizionamendua bultzatu nahi duen transexualitatearekiko baztertzaileak diren feminismoaren baitako korronteekin.
Ostean ezagutarazi zuten Urrezko Hirukiaren mereziduna: Ikusgune, Gasteizko LGTBI+fobiaren aurkako behatokia. EHGAM-ek azaldu bezala, behatokia 2019an sortu bazen ere, haren hastapenak 2017an kokatu daitezke, orduan hasi baitziren Lumagorri ZisHeterosexismoaren Aurkako Taldeko kideak, "Gasteizko hainbat kolektiboren kezkatik", LGTBI+fobiaren aurkako behatokia bilakatuko zena eraikitzen. "Autogestiotik eta mugimendutik beratik sortutako proiektua da Ikusgune eta, gaur egun, LGBT+fobiaren aurkako Euskal Herriko ekimen erreferenteetariko bat da. Sari honekin, ikuspegi lokaletik eta herri mugimenduetatik datorren Ikusgune bezalako proiektuaren lana eta eredua goraipatzeaz gain, proiektuaren sorreran eta egungo proiektuaren egitekoan jo eta su ari diren pertsonak ere saritu nahi ditugu", azaldu zuten. Ikusguneko Sejo Carrascosak jaso zuen saria taldearen izenean.
LGTBIQ+ Komunitatearen Nazioarteko Eguna dela eta, hainbat kolektibok deituta sexu askapena eta harrotasuna aldarrikatu dituzte larunbatean Euskal Herriko hiriburuetan eginiko manifestazioetan. Loratuz Lotu, Anitzak, Lumagorri eta Sumin Trans taldeek jaso dute Ehgamek... [+]
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]