Ikasturtea hasi da Iruñeko haur eskoletan, 845 haurrekin

  • Koronabirusak eta haren aurkako neurriek zeharkatutako ikasturte hasiera izan da. Euskararen aldeko aldarriak ere izan du toki nabarmena azken aste eta hilabeteetan.  

Artikulu hau CC BY-SA 3.0 lizentziari esker ekarri dugu.

2020ko abuztuaren 19an - 08:32

Astelehenean hasi zen 2020-2021eko ikasturtea Iruñeko Udalaren hamaika haur eskoletan. Ikasturtea koronabirusak markatuta abiatu da, eta hori dela eta, berariazko kontingentzia planak ezarri behar izan dira eskola bakoitzean. Atzoko datuen arabera, 0 eta 3 urte bitarteko 845 haur daude matrikulatuta ikasturte berrirako.

Lehenengo egunetan aurreko urtean ere matrikulatuta zeuden eta eskola ezagutzen duten haurrak hasiko dira. Irailaren 1ean ekainean eta uztailean egindako onartze prozesuan izena emandako haur berriak hasiko dira. Guztira, udalaren haur eskolek 964 postu eskaintzen dituzte (848 egonaldi osoan eta 116 egonaldi erdian), eta horietatik 547 leku libre eskaini ziren izen emate aldian. Izena emanda dauden 845 haur horiei gehituko zaizkie, pixkanaka, dauden itxaron zerrendetatik sartuko diren umeak.

Iruñeko Udaleko Haur Eskolen Erakunde Autonomoak Prebentzio eta Antolaketako Kontingentzia plan eredu bat prestatu du. Dokumentua egokituz joanen dira COVID-19aren krisiaren bilakaeraren arabera. 

Neurri koordinatuak

Planak helburu du hezkuntza komunitatearen segurtasuna bermatzea, arriskuak ahal den neurrian murriztuz. Hori dela eta, Nafarroako Gobernuko Hezkuntza eta Osasun departamentuek ezarritakoaz gain, Udalak eta Erakunde Autonomoak beste neurri osagarri batzuk ezarri dituzte, segurtasuna indartzeko.

Neurri horien artean daude eskoletako eremuak eta espazioak seinalatzea, haurrei eta langileei tenperatura neurtzea Iruñeko Udaleko Lan Arriskuen Prebentzio Zerbitzuaren protokoloarekin bat, garbiketa plan bereziak, aldizkako proba serologikoak eta, hala badagokio, PCRa egitea Haur Eskoletako langileei (proba horiek egin izan dira ekainaren amaieran zentroak berriz ireki zirenetik), eta ikasturtea modu mailakatuan hastea.

Euskarazko hezkuntzaren aldeko borroka

Ikasturtearen aurreko hilabeteetan Iruñeko gurasoek salat udute udal haur eskoletan euskarazko eskaintza nahikorik ez dagoela, udalak ezarritako murrizketaren ondoren. Hain zuzen ere, horren aurrean, HE Gurasoak plataformak herri haur eskola bat ezartzea helburu zuen kanpaina bat ere abiarazi zuen, gabezia horiek betetzen saiatzeko.

Hala ere, herri izaera bermatzeko haur nahikorik eta finantziazio nahikorik ez zegoenez, proiektua alde batera utzi behar izan zuten. Hori bai, "borroka” ez dela amaitzen ohartarazi zuten, eta “euskarazko hezkuntza publikoa eta kalitatezkoa bermatzeko" lan ildo eta proposamen berriak lantzen ari direla aurreratu.


Kanal honetatik interesatuko zaizu: Hezkuntza
2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Eguneraketa berriak daude