Hala esan zigun Mikel Begoña komiki gidoilari eta liburuzainak, duela bi aste publikatu genuen elkarrizketan: "Komikia, artea izanik, interesgarria da klasera eramatea, ez soilik komiki bat nola egiten den lantzeko, baita irakurzaletasuna bultzatzeko ere. Irakaskuntza oso zurruna da batzuetan, eta zaila da material berria txertatzea. Duela urte batzuk [2014-2017 artean] Parrapean jardunaldiak antolatzen genituen Bilbon, komiki lehiaketa tartean. Batxilergo artistikoa eskaintzen zuten zentroekin harremanetan jarri ginen, tailer batzuk eman genituen, eta ikasleek euren lanak aurkeztu zituzten lehiaketara. Komikia ez bada batxilergo artistikoan lantzen…".

Hortxe beraz gonbitea (literatura eta arte) irakasleentzat, balia dezatela Ikastolen jaiek sortutako komiki leihaketa, klasean hurbilpena egiteko genero horretara.

Gaztelako setioa binetatan

Bost egun iraun zuen Gaztela eta Aragoiko tropen setioak, 1522ko uztailaren 15etik 19ra, Nafarroako armadak defendatzen zuen gaztelua menpean hartu zuten arte. Hura da gazteek komikira eraman beharreko gaia. Irabazlearen lana Xabiroi aldizkarian publikatuko da, 2021eko urriko zenbakian.

Lanak euskaraz aurkeztu beharko dira, apirilaren 30a baino lehen. Bakarka edo taldean egin daitezke, eta teknika librea izango da. Lehiaketara aurkezteko ez da derrigorrezkoa ikastola bateko ikaslea izatea.

Gainerako oinarri-arauak Ikastolen Elkartearen webgunean kontsulta ditzakezue.