Seaskak deituta, 400 lagun bildu dira larunbat arratsaldean Baionako suprefetura aurrean, Pierre-André Durand prefetak auzitara eraman duelako Beskoitzeko Herriko Etxeak ikastolari zelai bat alokatzeko asmoa. Ordu batzuk lehenago, Seaskak jakin zuen Paueko auzitegiak onartu egin zuela Patrick Dallennes suprefetak Hendaiako herriko etxearen kontra ezarritako auzia, ikastola berria eraikitzea erabaki zuelako.
Besteren artean, Baionako elkarretaratzean ziren Jean-Claude Iriart Baionako hautetsia, Mikel Ithrubide Angeluko zinegotzia, Battitt Sallaberry Hendaiako auzapeza eta Iker Elizalde Hendaiako hautetsia, Filipe Aramendi Urruñako hautetsia, Marie-Christine Aragon Kontseilu Orokorreko kontseilaria eta Michel Oronos Euskal Konfederazioko lehendakaria suprefeturara hurbildu dira.
"Ez gaitu deusek geldiaraziko, ez dute lortuko euskara itotzea", adierazi zuen Paxkal Indo Seaskako lehendariak. "Jakin dezatela Dalennes, Durand eta Gobernuko ordezkariek ez gaituztela tronpatuko".
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.