EAEn ikastetxe bakoitzak erabakiko du ikasleen ebaluazioa
Azken hiruhilekoan ebaluazio espezifikoa egitea edo urte osoko ebaluazio integratua egitea EAEko ikastetxe bakoitzaren esku utzi du Eusko Jaurlaritzak, baita eduki funtsezkoak zein diren zehaztea ere, ikastetxeen autonomia hizpide hartuta. Azken kalifikaziorako, dena den, lehenengo bi ebaluazioak hartuko dira oinarri (eskola presentzialean ikasleak izandako bilakaera, alegia), eta Hezkuntza Ikuskaritzak onartu beharko du ikasleren batek errepikatzea. Errefortzuez eta ikastetxeetarako itzulerarako irizpideez ere mintzatu da Hezkuntza sailburua.
EAErako ikasturte amaierako plana aurkeztu du Cristina Uriarte Hezkuntza sailburuak eta planak protagonismoa eman die ikastetxeen autonomiari, ikasturte amaierarako eduki funtsezkoak zein izan behar duten ere ikastetxe bakoitzak erabakitzeraino: “Ikastetxe bakoitzean, dagokion irakasle-taldeak edo departamentu didaktikoak lehentasuna emango die ikaskuntza-helburuei, edota egokitu egingo ditu, curriculuma emateko egungo baldintzetara; eta argi eta garbi adieraziko du zein diren lorpen-adierazle berriak, ikasturte honen amaierako ebaluazioan kontuan hartuko direnak. Zuzendaritza-taldeak eta erreferentziazko ikuskatzaileak bilerak izango dituzte maiatzeko lehen hamabostaldian, eta bilera horietan ikastetxeak proposatutako ebaluazio-prozesua aztertu, baloratu eta legitimatuko da”.
Ebaluatzeko bi aukera jarri dizkie mahai gainean ikastetxeei: batetik, hirugarren ebaluazio espezifiko bat egitea, hirugarren hiruhilekoan helburuak eta gaitasunak lortu al diren baloratzeko (ikastetxe bakoitzak erabakiko du ebaluazio hori nola egin, aurrez aurre, azterketa bidez, lanak eginez…). Bestetik, amaierako ebaluazio integratua egitea, eta ez presentzialki eman diren klaseak gehitzeko balioa izatea.
Dena den, Uriartek azpimarratu du eskola presentzialak bertan behera gelditu zirenean ikasturtearen bi heren emanak zeudela dagoeneko eta “irakasleek nahikoa informazioa badutela ikasleen bilakaera ebaluatzeko”; lehen bi ebaluazio horiek izango dira oinarria, azken kalifikaziorako. “Ikasleek errepikatzea ez dadila izan konfinamenduak eragindako desorekaren ondorio”.
Aurrez aurreko hezkuntza-jardueran zeuden bitartean aurreikusitako helburuak lortu ez dituzten ikasleen kasuan, “ikasturteko azken hiruhilekoan helburu horiek lortzeko egingo da lan”.
Errepikatzea Ikuskaritzak onartu beharko du
“Irakasle-taldeak uste badu gutxieneko helburuak lortu ez dituen ikasle batentzako hezkuntza-neurririk egokiena ikasturtea errepikatzea dela, ikasle horren txosten indibidualizatua egin beharko du, neurri hori hartzeko arrazoiak adierazita”. Hezkuntza Ikuskaritzaren ardura izango da errepikapenak konfinamenduarekin zerikusirik ez duela bermatzea.
Oporretan eta irailean, errefortzua
Bai ikasturte honen amaieran, bai hurrengoaren hasieran errefortzuak aurreikusi ditu Uriartek. “Arreta berezia eskainiko zaie online prestakuntzarako aukerarik izan ez duten ikasleei, desabantailan egon ez daitezen. Gomendagarria da, oro har, udako oporretan indartze- edo errekuperatze-lanak agintzea. Irailak indartze-izaera argia izango du”.
Ikastetxeetarako itzuleran nork du lehentasuna?
Agertoki ezberdinak aurreikusi ditu Jaurlaritzak, pandemiaren bilakaerari lotuta beti ere. Itzulera horretan, lehentasuna 4. DBH eta Batxilergoko 1. eta 2. mailako ikasleek izango dute eta horiek ikasturte honetan aurrez aurreko eskoletara bueltatzea aurreikusten du Hezkuntza sailburuak. “DBHko 4. mailaren eta Batxilergoko 2. mailaren kasuan, ikasleek titulu ofizial bat lortzen dute, eta Batxilergoko 1. mailan, ikasleek prestakuntza handia behar dute Batxilergoko 2. mailara igaro aurretik”.
Lanbide Heziketari dagokionez, lehen mailetako ikasleak itzuliko dira ikasgeletara. 2. mailako ikasleak enpresetara itzuliko dira. Hori egingarria ez balitz, online eta aurrez aurreko prestakuntza-sistema misto berri bat eskainiko zaiela azaldu du sailburuak, salbuespen gisa.
Uriartek ez du argitu zein irizpide hartuko liratekeen kontuan itzulera horretan, ikasle kopuruari, distantziari eta abarri dagokionez. Osasun sailak adierazitako irizpideak jarraituko dituztela esan du.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Espainiako Estatuko presidente Pedro Sanchezek duela sei hilabete agindu zuen “txiringito pribatuei” muga jarri behar zitzaiela. Tamaina, irakasleak, ikerketa eta finantziazio kaudimena dira ezarri berri diren oinarrizko baldintzak.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.