“Ikasleria guztia dute aurrean agintariek, gogoeta egin dezatela"
Grebaren "jarraipen izugarria" ikusita, helburuak bete direla dio Gaizka Azketa Ikasle Abertzaleak kolektiboko kideak.
Bere hitzetan, ikasleen greba eta geldialdia ia erabatekoa izan da Hego Euskal Herriko eskualde eta ikastetxe guztietan, eta horrek zer pentsatua eman beharko lieke agintariei: "Ikusi behar dute ikasleria guztia dutela aurrean, hezkuntza propioa aldarrikatzen, behetik eraikiko den hezkuntza eredu baten alde, eta interes partidista eta ekonomikoen mesedetara antolatzen den hezkuntzaren kontra. Gogoeta egin dezatela".
Administrazioaren eskutik, onartu du, ez dute gehiegi espero, baina "nabaria da herriz herri kontzientzia zabaltzen eta garatzen ari dela, alternatiba errealak gauzatzen ari dira (Orioko curriculuma, Herri Unibertsitatea...) eta epe luzera hor dugu esperantza jarria, ekimen lokaletan".
Iruñean eta Bilbon atxilotutako ikasleak askatzea eskatu dute IAtik, eta gogoratu dute arratsaldean manifestazio gehiago deitu dituztela eragileek, Hego Euskal Herriko herri eta hiri ugaritan. Donostiako unibertsitatean, gainera, gazteek gaua pasatzea dute helburu, Ibaetako campuseko fakultate batean itxialdia egin baitute, hainbat ekintza eta tailerren bidez hezkuntza alternatiboa irudikatzeko.
Datutan
Hona IAk greba orokorraz egin duen balorazioa:
Iruñea: Manifestazioan 4.500 lagun. Istiluak parlamentuaren aurrean eserita zeuden ikasleen aurka. Arratsaldeko manifestazioa debekatu den arren, deialdi berria egingo dela dirudi.
Nafarroan paroa ia totala.
Bilbo: Manifestazioan 7.000 ikasle inguru. “Manifestazio erdian Ertzaintza ikasleriaren aurka oldartu da, baina ikasleek tinko jarraitu dute manifestazioarekin aurrera, Arriagan bukatuz”. Arenalean gune askea ireki eta tailerrak antolatu dituzte.
Paroa ia totala Bizkaian. EHUko fakultate batzuetan ez da klase bakar bat ere eman.
Gasteiz: Manifestazioan 4.000 bat ikasle. Hezkuntza Delegaritzara sartu dira ikasleak, baina kanporatu egin dituzte. Hainbat ikasle identifikatu dituzte.
Paroa Araban ia totala, bereziki EHUn.
Donostia: Manifestazioan 1.000 pertsona inguru. Lau ikastetxe itxi dituzte eta beste batean ikasleen gehiengoa kalera atera da. Fakultate bat okupatu dute, hezkuntza alternatiboa eraikitzeko asmoz.
Gipuzkoan paroa ia totala.
Azpimarratu behar da, hiriburuez aparte eskualde eta herri ugaritan antolatu direla manifestazio, elkarretaratze eta ekintzak. 8 atxilotu inguru egon dira.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]