Ikasgaiak ez gainditu arren, ikasleek ez errepikatzea erabaki ahalko dute irakasleek, Hego Euskal Herrian
Lehen Hezkuntzan ikasturtea errepikatzea salbuespena izango da 2., 4. eta 6. mailan, eta 1., 3. eta 5. mailan denek automatikoki gaindituko dute ikasturtea. Bigarren Hezkuntzan, ikasgaiak ez gainditu arren ikasturtean aurrera egingo du ikasleak, irakasleek erabakitzen badute horretarako prest dagoela. Ekaineko eta iraileko deialdi bereziak bertan behera utzi ditu baita ere Espainiako Gobernuaren dekretuak.
Espainiako Gobernuak Espainiako Estatu guztirako onartu duen dekretua hurrengo ikasturtetik aurrera jarriko da martxan.
Lehen Hezkuntzan, salbuespena
Lehen Hezkuntzan, 1., 3. eta 5. mailan ikasturtea ikasle guztiek gaindituko dute automatikoki, ikasgaiak gainditu ala ez. 2., 4. eta 6. maila errepikatu dezakete, baina dekretuak dio ikasturte horietan ere “guztiz salbuespenezkoa” izan beharko lukeela errepikapenak.
Aurreko ikasturtean gainditu gabeko ikasgaiak dituen eta aurrera egin duen ikaslearentzat laguntzak eta errefortzuak aurreikusten ditu legeak.
Bigarren Hezkuntzan, irakasleen erabakia
Derrigorrezko Bigarren hezkuntzan, irakasle taldeak erabakiko du ikaslearentzat zer den onena, eta ikasgaiak gainditu gabe izan arren, irakasleek ikusten badute ikaslea gai izango dela mailaz igota ikasgai horiek berreskuratzeko, ez diote ikasturtea errepikaraziko.
DBHko ekaineko eta iraileko azterketa deialdi bereziak bertan behera utzi ditu legeak, “bederatzi hilabeteko prozesua proba bakarrean konpondu nahi izatea” kontraesana dela ulertuta.
Batxilerrean, ebaluazio jarraitua
Batxilergoko bi mailetan, ebaluazio jarraitua egingo da, eta titulua eskuratzeko ikasgai guztiak gainditu beharko ditu ikasleak, baina ikasgai bat gainditu gabe izanda ere lortu dezake titulua, irakasleek hala erabakitzen badute.
“Motibazioa ardatz, ez zigorra”
Espainiako Hezkuntza ministroaren hitzetan, neurri horiekin motibazioan oinarritutako esfortzua nahi dute indartu, eta ez zigorra, ikaslearen eskola ibilbidean. Gainera, azpimarratu du irakasleak direla ikasleen konpetentziak hobekien ezagutzen dituztenak, eta beraz logikoena dela haiengan uztea azken erabakia.
Errepikatzea: aukera ala estigma?
Errepikatzeari buruzko Larrun monografikoa argitaratu genuen Argian, errepikatzea ikasleentzat aukera ala zigorra ote den eztabaidatzeko, gai ez diren ikasleen salbazio ala egungo eskola ereduaren gabezien isla ote den neurria. Errendimendu akademikoari gehiegi begiratzen dion hezkuntza sistemaz, ebaluazio paradigma aldatzeko premiaz, errepikatzeak duen estigmaz eta espektatibek duten pisuaz, ikasle bakoitzaren egoera eta erritmoak errespetatuko dituen ibilbide akademiko malguen beharraz, legediaren kontraesanez… aritu zitzaizkigun mahaikideak. Lotura honetan irakurri dezakezu.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]