Migratzaileentzat kanpalekua Irungo aterpetxearen atarian
Aterpetxearen kanpoaldean geratu diren hainbat migratzailek eraikinaren atarian jarritako kanpalekuan egingo dute lo. Aterpetxeko irizpideak ez betetzeagatik geratu direla kanpoan adierazi dute aterpetxekoek. Birusaren protokoloaren ondorioz lehen 50 lagun hartzen zituzten tokian orain hamabost hartzen dituzte.
Hainbat migratzaile harrapatuta geratu dira Hego eta Ipar Euskal Herriaren artean Espainiako eta Frantziako Gobernuek pandemia dela-eta hartutako neurrien ondorioz, eta Eusko Jaurlaritzak hartutakoen eraginez ere bai.
Haietako askok Irungo aterpetxea dute ostatu, eta egoera berezi honetan, beste batzuk kalean geratu dira aterpetxeko irizpideak "ez betetzeagatik". Irungo Harrera Sareak salatu nahi izan du irizpide horiek noiz eta nola aplikatzen diren ez dela argi geratzen. Hasiera batean, egoera ahulean zeuden pertsonak hartzen zituztela adierazi zen, baina Irungo Harrera Sarearen ustez beste behin, ez da bete. Sareak premiazkotzat jo du irizpideak argitzea eta migratzaileak ondoen babestuko dituzten neurriak hartzea.
Kalean geratu diren hainbat migratzailerentzat kanpalekua prestatu dute aterpetxearen kanpoaldean eta bertan lo egiten jarraituko dute egoera bideratu arte. Irungo Udalak Harrera Sareak antolatu duen kanpalekua ontzat eman du.
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]