Fernandez Iradiren abokatua: "Sobera justifikatuta dago Ibon kalean egotea"
Parisko Dei Auzitegiak atzeratu egin du berri zere Ibon Fernandez Iradi aske uzteko erabakia. Esklerosi anizkoitza dauka presoak.
Orain dela bi urte hasitako bidea beste sei hilabetez luzatzeko erabakia hartu du epaileak: 2015eko martxoaren 26an izango da audientzia eta apirilean hartuko dute erabakia. Atzerapena espero bazuten ere, Maritxu Paulus presoaren abokatuak Info 7 irratian egindako elkarrizketan esan du “kolpe gogorra” izan dela.
Paulusek gaineratu du bi txosten mediku aurkeztuak zituztela jada eta urriaren 1etik indarrean dagoen legearen arabera bakar bat nahikoa zela.
Abokatuak esan du ez dela ohikoa Frantziako Estatuan gaixo dauden presoak aske uztea, baina Fernandezen kasuan pozesua gehiegi luzatzen ari dela. “Aldi oro elementu gehiago ekartzen ari gara eta txostenak sobera justifikatzen du Ibonek kalean egon behar duela”.
Esklerosi anizkoitza dauka Fernandezek eta bere abokatuak azaldu duenez “oso ahul” dago: “Eritasuna aurrera doa, bagenekien bidea zaila eta luzea izango zela”.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"