Igande arratsaldean, Realaren eta Alavesen arteko derbia hasi aurretik gertatu ziren istiluak, Anoeta estadioaren kanpoaldean.
Sare sozialetan zabaldutako bideo honetan ikusten denez, ertzainek gertutik egin zuten tiro.
Eusko Jaurlaritzaren arabera, pertsona batzuek botilak eta harriak bota zizkietela Ertzaintzaren furgonetei. Bi lagun atxilotu zituzten, 23 urtekoa bata, 24koa bestea.
Amara-Berri auzoan gertatu ziren istiluak. Realeko eta Alaveseko hainbat zale adiskidetze festa egiten ari ziren bertan, haien artean bizi den harreman onaren erakusgarri.
Naiz-ek jaso duenez, lekukoek adierazi dute ertzainek foam pilotak baliatu dituztela. Aldiz, Ertzaintzaren bertsio ofizialaren arabera, "agenteek soinu-salbak egin behar izan dituzte" jendea sakabanatzeko, eta "ez da zauriturik izan".
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]