Hollandek kotizazioa 43 urtera igoko du
Pentsioen sistema erreformatzeko proposatuko dituen neurriak aurreratu ditu Frantziako Gobernuak Jean-Marc Ayrault lehen ministroaren ahotik. Frantziako Estatuan bizi direnek 43 urte kotizatu beharko dituzte pentsio osoa kobratzeko –orain arte 41,5 urte behar ziren horretarako– eta igoera progresiboki ezarriko da, 2035 urtera arte.
Gisa horretan, pentsioen sistemak sortzen omen duen defizitari aurre egin nahi dio Gobernuak eta 7.300 milioi euro lortuko lituzke. Bestetik Erretreta hartzeko adin legala bere horretan mantenduko da, 62 urte oro har, baina kotizatu beharreko urte kopurua kontuan hartuta, praktikan adin hori igo egingo da.
Hollande oso kontuz ibili da erreforma adosteko orduan, itxuraz langileen mesederako izan daitezkeen neurri batzuk ere hartu ditu, lan gogorrak egiten dituzten langileen pentsioen zati bat enpresek ordaindu beharko dute, esaterako. Baina zenbait sindikatuk erabat arbuiatu dute erreforma eta irailaren 10ean mobilizazio jendetsuak antolatu dituzte.
2010eko protestak gogoan
Frantziako Gobernuak 2010ean egin zuen erretreten erreforma Sarkozy agintean zenean. Orduko hartan Frantziako Estatu osoan –baita Ipar Euskal Herrian ere– protesta handiak izan ziren eta sindikatu eta manifestariek herrialdea blokatzea lortu zuten. Pentsioen sistemak dituen arazoak baina, bere horretan iraun dute.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.