Hizkuntza gutxituak ezagutzeko zikloak sei hizkuntza landuko ditu Gasteizen

  • Urrian, judu-espainiera hizkuntza erromanikoa aurkeztuko du Amelia Barquin irakasleak Hitz Adina Mintzo programan.

Artikulu hau CC BY-SA 3.0 lizentziari esker ekarri dugu.

2019ko irailaren 11n - 08:31
Amelia Barquinek judu-espainiera hizkuntza aurkeztuko du. ALEA.

Hitz Adina Mintzo hizkuntza gutxituak ezagutzeko zikloaren bosgarren ikasturtea sei hizkuntzaren inguruan arituko da, urritik aurrera: judu-espainiera, erromintxela, sorabiera, kriola, lakota eta nasa yuwea. Itziar Idiazabal Euskal Herriko Unibertsitateko (EHU) Hizkuntzalaritza eta Euskal Ikasketak saileko ohorezko laguntzaileak inauguratuko du ikasturte berria, irailaren 25ean, Hizkuntza kooperazioa, zer da eta zer egin daiteke? izeneko hitzaldiarekin, Oihaneder Euskararen Etxean.

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko 2015ean abiatutako zikloa da, munduko errealitate soziolinguistikoaren perspektiba zabaldu eta aberastea eta hizkuntza aniztasunaren balioa nabarmentzea eta ezagutaraztea du helburu.

Oihaneder Euskararen Etxeko lagunek jakinarazi dutenez, munduko hizkuntza aniztasunaren galera arazo edo gertakari linguistiko bezala aztertu izan da historian zehar, eta gaur egun jakina da herrien hizkuntza eta kultura galtzeak haien garapena baldintzatzen duela. "Euskaldunak gure hizkuntzaren biziberritze prozesuarekin batera ohartu gara beste herrietako hizkuntzek ere, eta bereziki gutxituek, aldeko jarrera eta ahalegina eskatzen dutela. Hizkuntza kooperazioak ahalegin horretan jarduteko aukera ematen digu", azaldu dute.

Modu horretan, urrian, judu-espainiera hizkuntza erromanikoaz hasiko da Hitz Adina Mintzo zikloa, Amelia Barquin HUHEZIko irakaslearen eta ikertzailearen eskutik. Azaroan, Oscar Bizarraga, Kale Dor Kayiko elkarteko lehendakariordeak erromintxela aurkeztuko du, Euskal Herrian jatorria daukan hizkuntza ahaztua.


Kanal honetatik interesatuko zaizu: Hizkuntza gutxituak
Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Carolina Gandulfo, doktorea eta guaraniera ikertzailea
“Haurrak ‘isilak’ ziren, gaztelaniaz, ez guaranieraz, baina hizkuntza honek ez zuen balio”

Carolina Gandulfo doktorea. Argentinan jaioa, Ipar-ekialdeko Unibertsitate Nazionaleko Humanitate Fakultateko irakaslea. Iragan udazkenean Garabidek gonbidaturik egonaldia egin zuen gure artean, eta mintzatu zitzaigun Argentinako guaranieraz. Ikastetxe bateko esperientzia... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


Eguneraketa berriak daude