Gehiegizko hizkuntz eskakizunak ditu Donostiako HAPOa idazteko kontratazio espedienteak, arkitektoen elkargoaren ustez
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskal Herriko Arkitektoen Elkargo Ofizialak (EHAEO) helegite berezia aurkeztu du, Donostiako hiri antolamenduko plan orokorra (HAPO) idazteko kontratazio espedientea arautzen duten agirien aurka. Hainbat gai aipatzen ditu helegiteak, tartean, hizkuntz eskakizunei dagokiena.
Zehazki, dio C1 mailako euskara eskakizuna duten lanpostu guztiek ez dutela harremana izango herritarrekin eta, horregatik, gehiegizkoa dela jendaurrean arituko ez diren lanpostuei, lantalde koordinatzaileei hain justu, hizkuntz eskakizun hori egitea. Horrela, herritarrei eskaintzen zaien jendaurreko arreta soilik hartzen du aintzat elkargoak; ordea, koordinazioko langileek ez badute euskara maila hori, HAPOaren idazketa prozesuan euskara hutsez aurkezten diren alegazioak eta idatziak beste lankide batzuek itzuli beharko dizkiete.
Zera dio EHAEOk helegitean: “C1 mailako euskara eskatzen zaien profil guztiek ez dute herritarrekin harremanik izango (eta, baldin badute, lantaldeko beste elebidun batzuekin batera egin dezakete)”. Eskakizun hori “lehia askeari egindako murrizketa” dela deritzo elkargoak. Hori dela eta, espedientearen pleguak “aldatzeko” eskatu du, “kaudimen teknikoa eta/edo profesionala murriztuz”.
Era berean, “kautelazko neurri gisa”, kontratazio espedientearen prozedura “eteteko” eskatu du elkargoak. Hain zuzen ere, Euskadiko Kontratuen inguruko Errekurtsoen Administrazio Organoak udalari jakinarazi dio elkargoaren eskaera eta, hori dela eta, udalak erabaki du “atzera egitea Donostiako Hiri Antolamenduko Plan Orokorra idazteko behar diren zerbitzuen kontratua xede duen kontratazio espedientea (2024/058 esp. zk.), Tokiko Gobernu Batzordeak 2024ko abenduaren 3an onartutakoa”, hilaren 16ko udalaren ohar ofizial batean azaltzen denez.
Oldarraldi judiziala
Helegite honek, momentuz, ez du bide judiziala hartu, baina azkenaldian gertatzen ari den euskararen aurkako oldarraldiaren testuinguruan kokatu behar da. Izan ere, administrazio publikoaren hainbat lanposturen euskara eskakizunen aurkako zenbait epai atera dira azken hilabeteotan, euskaldunen hizkuntz eskubideak urratuz.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
