ARGIA.eus

2022ko urtarrilaren 25a

Hitzen Uberan ataria ez dute gehiago elikatuko

  • Euskal Idazleen Elkarteak iragarri duenez, literaturan espezializaturiko webgunea elikatzeari utzi diote urte berriarekin. Artxibo gisa iraungo du, eta elkartearen webgunean egingo diote lekua idazleen lanak sustatzeari.

Peru Iparragirre @peruiparragirre
2022ko urtarrilaren 12a

2010. urtean Hitzen Uberan ataria sortu zuen Euskal Idazleen Elkarteak, literatur eta kultur munduko jendeen arteko zubi lanak egiteko. Uxue Alberdi eta Oier Guillan idazleak hasi ziren bertan kazetari lanetan, Testuketan irratsaiotik webgunera igaroz. Hamaika urtez literaturaren inguruko zernahi topatu ahal izan du zaleak bertan: albisteak, irakurle taldeen mapa, elkarrizketak, liburuen aurkezpenetako bideoak, kritikak, iruzkinak, Irakurrieran irratsaioa, komunitate atala... hamaika urtez askotariko edukiak zabaldu ditu sarean Hitzen Uberanek.

Alberdi eta Guillani Danele Sarriugarte eta Imanol Ubeda ere gehitu zitzaizkien kazetari lanetan, eta dozenaka izan dira webgunean modu batera edo bestera kolaboratu dutenak. Idazleen Elkarteak adierazi duenez, sorreratik edo ia sorreratik aritu diren lau lagunen artetik bakar bat ere gelditzen ez delako hartu dute erabakia: “Haiek gabe ez litzatekeelako inoiz gauza bera izango”.

Hala ere, idazleen lanak sustatzen jarraituko duela azpimarratu du elkarteak, bere webgunean bertan. Horrez gain, artxibo gisa geratuko da Hitzen Uberan webgunea, nahi duenarentzat eskuragarri. Joan den urteko abenduaren 31n argitaratu zuten atarian azken elkarrizketa, Danele Sarriugartek Itziar Ugarteri eginikoa: “Oso ikusita dauzkagula uste dugun lekuetan badaude oraindik ikusi ez ditugun gauzak”.

Hitzen Uberan zabaldu aurretik ere literaturaren ingurukoak jendarteratzeko proiektuak bazituen Idazleen Elkarteak, Komatxo artean eta Testuketan irratsaioak, besteak beste, baina webgunea bide horretan sakontzeko modua izan zen. 2020ko azaroan bete zituen atariak hamar urte, eta aitzakia horrekin proiektuaren errepasoa egin zuten.

Hona hemen hamargarren urteurreneko ekitaldiaren harira egindako bideoa:

 

Kanal hauetan artxibatua: Euskal literatura  |  Internet

Euskal literatura kanaletik interesatuko zaizu...
2022-01-23 | Xalba Ramirez
Erbestea ez da turismoa, baina behar du kronika

Jose Luis Alvarez Txillardegi hil zela hamar urte bete dira. Efemerideek ematen dute aitzakia biltzeko, eta ekimenak sortzeko. Donostiar euskaltzale eta ekintzailearen gogoa omentzeko, zer hoberik liburuak baino. Zelulosa eta tinta ekarpen erraldoia utzi baitzuen atzean.

[+]

2022-01-17 | Irutxuloko Hitza
Txillardegi gogoratu dute, haren heriotzaren hamargarren urtemugan

Txillardegiren heriotzaren 10. urteurrena izan da gaur, eta ohi bezala, haren omenezko ekitaldia egin dute Txillardegi plazan (Gaskonia) Txillardegi Udal Liburutegia herri ekimeneko kideek. 2018an inauguratu zen horma-irudia berritu du Mikel Herrero Sesmak. Material hobea... [+]


2022-01-16 | Peru Iparragirre
Euskarazko liburu zaharrek irakurle berririk bai?

Euskarazko literaturaren tradizioa hautsia eta ezezaguna da oro har. Azken hamarkadetan idatzi denak nolabaiteko egonkortasuna lortu duela dirudi hala ere. Garrantzizko elementua falta da, ordea: egonkortu aurreko garaiko literatura eskuragarri jartzea. Lan bikoitza litzateke:... [+]


Bidaia etxeraino

2020 amaieran argitaratu zen Ata Pank eta Ate Punky ahate bitxiei buruzko lehen liburua. Urtebete beranduago ahateen bigarren entrega plazaratu dute Atxagak eta Valverdek. Lehenengo hartan hiru kontakizun laburrek osatzen bazuten liburua, oraingoan istorio bakarra kontatzen... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude