“Historiarekin bat datorren erabilera” eskatu du Eguzki talde ekologistak Lemoizko zentralerako
Daborduko Eusko Jaurlaritzaren esku dago Lemoizko zentral nuklearra izango zenaren lur-eremua, eta haren geroaz zalantzak agertu ditu Eguzkik. Ematen zaion erabilera publikoa izan dadila eta betiere lehengoratzeagaz bat egin dezala eskatu du talde ekologistak. Sarritan aipatzen den arrain-haztegiaz, Eguzkik dio momentuz proiekturik ez dagoela, "ideia bat baizik", eta edozein kasutan, haztegi horrek zentralaren eremuaren zati txiki bat baino hartuko ez lukeela.
Eguzkik deitoratu egin du zentralaren lurrak ugazabaz aldatzeko prozesuan Iberdrola konpainia "guztiz libre" geratu izana ingurua lehengoratzeaz. Erantzukizun hori Eusko Jaurlaritzaren esku geratu dela salatu dute, honenbestez. "Jarraitzen dugu jakin gabe Lemoizko zentralaren etorkizuna zein izango den, baina badakigu oraingoan ere Iberdrola irabazle suertatu dela", adierazi dute, "moratoria nuklearra zela eta Administrazioak konpainiari aukera eman zion, herritarroi, argindarraren fakturen bidez, behar baino 3.256 milioi gehiago kobratzeko, eta orain libratu egin du ingurua egokitzeko erantzukizunetik".
Eremuaren etorkizunari dagokionez, Eguzkik uste du Eusko Jaurlaritzak ez duela "inolako proiekturik, Industria sailburu Arantza Tapiak Legebiltzarrean aitortu duen bezala". Askotan aipatu den arrain-haztegia ideia baino ez dela diote ekologistek, azterketa batean oinarritutakoa; "azterketa horrek bi aukera aurreikusten ditu, batak 4 hektarea hartuko lituzke eta besteak 5,5". Alabaina, zentralaren eremu osoak 35 hektarea dituela gogorarazi dute. "Beraz, arrain-haztegia egin edo ez, paraje horretan leheneratze- edo egokitze-lanak egin beharko dira, eta horiek ordaintzeko dirua Jaurlaritzaren patrikatik aterako da, gure patriketatik alegia".
"Historiarekin bat datorren erabilera" eskatu dute Lemoizko zentralerako, "beharbada parke publiko bat, memoria-leku gisa". Edozein kasutan, erabilerak publikoa eta lehengoratzeagaz bateragarria izan beharko lukeela adierazi dute. "Nolanahi ere, erabakia ez dadila aldebakarrekoa izan, baizik eta ahalik eta adostasun sozial zabalenaren ondoriozkoa".
1984an, Lemoizko zentral nuklearrak bere ateak betirako itxi zituen, konpondu gabeko urteetako gatazka eta zauriak atzean utzita; zentralaren azpiegitura ia berdin mantendu da, eta gertatutakoa, isilpean iraun du. Orain, tokikoek hainbat proiektu proposatu dituzte Basorda kalako... [+]
1980ko hamarkada hasieran mugimendu antinuklearra puri-purian zegoen nazioartean, baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak... [+]
"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.
Militante batzuk zentral nuklearrera sartu dira, eta bi pankarta zintzilikatu dituzte: greenwashig-aren aurkakoa eta energiaren “trantsizio ekologiko justua”ren aldekoa. Sortuk neoliberalismoari egotzi dizkio egungo krisiak, eta premiazkotzat jo du “180 graduko... [+]
Bilbo, 1977ko uztailaren 14a. 200.000 pertsona bildu ziren Lemoizeko zentral nuklearraren proiektua geldiarazi zezaten eskatzeko. Bi aste geroago Europa osotik joandako 60.000 lagun bildu ziren Frantziako Estatuko Creys-Malvillen abian jarritako Superphénix erreaktorearen... [+]
Aurten ere Gladys del Estal omendu dute Donostian, Eguzkik eta Gladys Gogoan kolektiboak antolatutako ekitaldian. 43 urte pasatu dira guardia zibil batek Tuteran tiro bat buruan jota hil zuenetik, energia nuklearraren eta Bardeako tiro poligonoaren kontrako mobilizazio baten... [+]
Lemoizko munstro nuklearra betiko menderatua dela dirudi. Menderatua ez dagoena energia nuklearra da. Interes ugari daude, ez berau lurperatzeko bakarrik, dinamizatzeko baizik; ez egungo instalazioak mantentzeko bakarrik, hauek gehitzeko baizik. Bush jendarmearen nahia da... [+]
Lore bakar batetan posatzen ez den erlea dugu Jose Allende. 'Zentral nuklearren kokatze politika' barazko tesia egitenz gain, lurralde... [+]
Hori da Lemoizen aldeko eta kontrako guziok PEN berria irakurrita esandakoa... [+]
Japoniako istripua ikusirik, guk arrazoi pozgarri garrantzitsuak ditugu geure buruari, eta munduari, eman genion irakaspenaz harro egoteko. Gure itsasertza nuklearizaturik ikusteko arriskuaren menpe bizi behar izan dugu hainbat urtez. Azkenik mamu nuklearra geraraztea lortu... [+]
Lehendik ere –eta urte asko daramatzagu jadanik–, kontsumitzaileak gara geure fakturen bidez argindar enpresek energia nuklearrarekin lotuta egin izandako inbertsioak ordaintzen ari garenak.
Sektore nuklearreko enpresa horietako batzuk itxita daude gaur egun... [+]
Jose Luis Zumetak, Vicente Ameztoyk eta Carlos Zabalak duela berrogei urte nuklearren aurkako jardunaldi batzuetarako margotu zuten Lemoiz Gelditu horma-irudia erakutsiko da Bilboko Arte Ederren Museoan. Autokritikarik egin gabe, EAJko sailburu batek aurkeztu du.