Lemoiz gelditu!

  • Jose Luis Zumetak, Vicente Ameztoyk eta Carlos Zabalak duela berrogei urte nuklearren aurkako jardunaldi batzuetarako margotu zuten Lemoiz Gelditu horma-irudia erakutsiko da Bilboko Arte Ederren Museoan. Autokritikarik egin gabe, EAJko sailburu batek aurkeztu du.


2020ko azaroaren 12an - 15:35
Lemoiz gelditu horma-irudiaren donazioaren aurkezpena Bilboko Arte Ederren Museoan (arg.: Irekia)

Museo batean dago azkenean ikusgai horma-irudia, kontserbatzeko urte luzetako ahaleginaren ostean. Museo horretako patronatuko kide Iberdrola da, euskal kostaldean urte haietan hainbat zentral eraikitzeko erasoaldi nuklearraren arduradun nagusia. Hildako ugari eragin zituen nuklearren kontrako borroka zabalaren ondoren –tartean langileak, zuzendari bat eta ETAko militanteak–, proiektu horiek ez zuten aurrera egin.

Borroka hura ezagutu ez zuten gazteek horren berri izan beharko lukete. Jakin dezatela, EAJk Lemoizen alde egindako eraso politikoa gora-behera, herritarrek zentrala geldiaraztea lortu zutela. Xabier Arzalluz, EAJko buruzagiaren esaldia ezaguna da: "Lemoiz ixten bada, azak jango ditugu eta kandelekin argituko gara". Berrogei urte geroago, ez azarik, ez kandelarik, ezta zentral nuklearrik ere.

Jakin dezatela denek, Lemoiz geldiaraztea lortu genuen arren, Iberdrolari bidegabeki ordaindu behar izan diogula gure argi-fakturarekin 25 urtez 2.273 milioi euro baino gehiago. Batzuen konplizitate politikoarekin ezarri diguten zigorra izan da.

Gure herriaren eskubideen aldeko borrokak eta grebak ez dira errazak, baina bai eraginkorrak, baldin eta helburuak lortzen irmo saiatzen bagara. Lemoizena eredugarria izan zen. Gaur egun, belaunaldi berriek sistema kapitalista oso bat dute aurrean, herriak beren burua autodeterminatzera eragozten duena: indibidualismoa, indarkeria, langabezia, gizarte-bazterketa, pobrezia, desberdintasuna, prekarietatea, migrazioa, matxismoa, ustelkeria…. Horiek guztiak gaurko gure "Lemoiz" dira.


Kanal honetatik interesatuko zaizu: Artea
2024-04-21 | Reyes Ilintxeta
Elisabeth Pérez. Sorkuntzaren defendatzailea
"Adimen Artifiziala etorkizuneko tresna ei da, baina bere funtsa iraganeko sormen lanak lapurtzea da"

Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]


'Denbora geldirik dagoen lekua': Wiki Loves Monuments 2023 lehiaketaren irabazleak

2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]


Jone Erzilla
"Denok ditugu esperientzia estetikoak, baina oso zaila da hori museo batean gertatzea"

Denbora darama “ingurua intentsifikatzeko gai diren horiei” begira eta horiekin lan egiten saiatzen, horretarako gertu duenari arreta jarriz. Irudietatik, hitzetatik, argitik eta horiek espazioan agertzeko duten forma eta moduetatik egiten du lan, batez ere. Orain... [+]


Erakusketa lehenago kenduko dutelako zentsura salatu du Iruñeko LKN artistak

Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".


Eguneraketa berriak daude