Hiru egunetik behin langile bat hil da Euskal Herrian, urtea hasi zenetik
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek lanuztea eta elkarretaratzeak deitu dituzte asteazken honetarako.
Fumbarri galdategiko teilatua berritzen ari zela 15 metroko altueratik erori eta 47 urteko behargina larri zauritu da asteartean Durangoko San Roke auzoan, handik gutxira zendu da.
Langilea, Lantaronen egoitza duen Portocubiertas azpikontrataturiko enpresarentzat ari zen lanean, CCOOk jakitera eman duenez. Osalanek azaldu du Ertzaintza ikertzen ari dela gertatutakoa.
LABek emandako datuen arabera, arnesa jarrita zuen, baina litekeena da segurtasun neurriren batek huts egitea: "Ohikoa da obretan, segurtasun neurriak bermatu behar dituen errekurtso prebentiboa ez egotea eta modu honetan, une askotan langileak segurtasunik gabe lan egitera behartuta egoten dira", azaldu du sindikatuak.
"Prekaritatea, esplotazio-modu bat izateaz gain, laneko heriotzak eragiten dituen arrisku-faktore bat da"
(LAB sindikatua)
Eraikuntza sektore hilgarrienetako bat bilakatu da, eta hori bizi dituzten baldintza txarren ondorio dela nabarmendu du sindikatuak: lanaldi luzeak, azpikontratazioa, autonomo faltsuak, prestakuntzarik-eza... "Prekaritatea, esplotazio-modu bat izateaz gain, laneko heriotzak eragiten dituen arrisku-faktore bat da", azaldu du.
ELA sindikatuak ere salatu du heriotza, eta azpimarra jarri du enpresek dituzten erantzukizun zuzenez gain, badaudela "beste arduradun" batzuk: "Baliabiderik ematen ez duten eta lehentasunik ezartzen ez duten Gobernuak eta erakundeak".
Hiru egunez behin heriotza bat
Urte hasiera oso beltza ari da izaten lan istripu eta laneko heriotzei dagokienez. 44 egunetan 14 heriotza izan dira Euskal Herrian –LABek egindako zenbaketaren arabera–, edo bestela esanda: hiru egunetik behin langile bat hil da beharrean ari zela.
Egoera horren aurrean LAB, ESK, STEILAS, EHNE-Etxalde eta Hiru sindikatuek Bilbon mobilizazioa deitu dute asteazken honetan, Eusko Jaurlaritzako egoitzatik abiatuta, "patronalaren eta gobernuen jarreraren aurrean" 2024ko urte hasiera gogorra salatzeko.
Horrez gain, Durangon Funbarri enpresako langile batzordeak (LAB eta CCOO) deituta lanuztea egingo dute eguerdian eta elkarretaratzera deitu dituzte langileak lantegi atarian, ELAk ere elkarretaratze horri babesa eman dio.
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.