Hiriburuetan azpimarratzekoak
Udal hauteskundeen xarma eta emozio bereziak islatu dira oraingo honetan ere. Emaitzak nagusiak ezagunak dira: EAJ nagusi, Iruñean izan ezik; EH Bildu bigarrena Donostian eta Iruñean eta hirugarrena Bilbon eta Gasteizen; PSE bigarrena Bilbon eta Gasteizen eta hirugarrena Iruñean eta Donostian.
Gasteizen ez da gertatu espero zen lehia estua eta PSE, sorpresaz, bigarren indarra izan da, Miren Larrion hirugarrenean utzirik. Zer gertatu da? Alde batetik, PPren porrota eta berak galdutako lau eserleku EAJri eta PSEri joan zaizkiela. Eta, noski, Gorka Urtaranen lanaren balorazio positiboa.
Iruñean, Joseba Asiron alkateak emaitza oso onak izan arren, Navarrasuma-ren emaitza hobeak, Geroa Bai-ren emaitza kaskarrak eta Podemosen desagerpenak ez diote gobernatzen utziko. Hori, baldin eta ez bada lortzen EH Bilduren, PSNren eta Geroa Bai-ren arteko dagoeneko PSOEk ezinezkotzat jo duen akordioa.
EAJ nagusi EAEko hiriburuetan eta, nahiz eta bere bigarrena EH Bildu edota PSE diren, ikusiko dugu itunak orain artekoak izango ote diren, erakundeen egitura errepikatuz, benetako ezkerreko adostasunak eta gobernu alternatiboak zailduz
PPren markatik ihes egin duen Borja Semperrek emaitza txukuna lortu du Donostian bere ordezkaritza mantenduz, baina horren interpretazioa ez da horren sinplea, zeren eta Gipuzkoako Batzar Nagusietan Juan Carlos Canok, PPren eskutik, eutsi dio 2015eko emaitzari. Beraz, marka edo ez marka, Gipuzkoan PPren emaitzak nahiko “eguneratuta” zeuden 2015etik. Bestalde, Ernesto Gascoren porrota handiak lagundu dio PPri bere emaitza mantentzen –bi alderdi hauen arteko boto aldaketa nabarmena izan baita zati batean–.
Beraz, EAJ nagusi EAEko hiriburuetan, eta nahiz eta bere bigarrena EH Bildu edota PSE diren, ikusiko dugu itunak orain artekoak izango ote diren, erakundeen egitura errepikatuz –bizitza luzea dauka EAJ-PSE akordio orokorrak–, benetako ezkerreko adostasunak eta gobernu alternatiboak zailduz. Horretarako jasoko zituzten bi alderdi hauek PPk galdutako botoak, noski, EAEko eskuina eta konstituzionalismoa indartzeko.
Eta beste behin ere, lau hiriburuetako buruak, gizonak. Honetan ere aldaketarik ez.
Lerrook idaztean, Nafarroako lauko berriak akordio programatikoa hitzartu berri du. Berria da laukoa, PSN sartu eta EH Bildu aterako delako. Bi-biak batera etorri dira, gainera: sozialistek betoa jarri diete Bildukoei, haiekin berba ere ez dutela egingo ziurtatu baitute orbe... [+]
1977ko udan Iruñea inguruko Arazuriko soroetan sartu ginen Askatasunaren Ibilaldia-ko milaka lagun, zutabeetan antolatuta eta ikurrinaz josita, Nafarroa Euskadi da oihukatuz. Hogei bat urte geroago, aukera izan nuen Juan Cruz Alli elkarrizketatzeko, eta pasarte hura... [+]
Ada Colauk Kataluniako hiriburuko alkate karguan segituko du, hauteskundeen kanpaina aurretik imajinatzen zaila zen testuinguru batean: PSCren aldeko zortzi botoen, lehen ministro ohi Manuel Vallsen hautagaitzaren hiru botoen –orain arte Ciudadanosek sostengatua– eta... [+]
Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]
Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko... [+]