Pedro Sanchezek zirrikitu bat ireki dio Chiviteren lehendakaritzari

  • Ferrazek bidalitako mezuekin aste osoan zehar argi geratu da PSOEk ez zuela begi onez ikusten PSN Nafarroako Gobernuko lehendakaritza lortzeko saiakeran aritzea. Filtrazioez gain, Carmen Calvo Espainiako Gobernuko lehendakariordea eta Jose Luis Abalos ministroak PSNren bidearen aurkako adierazpen argiak egin zituzten.


2019ko ekainaren 07an - 10:59

Lehenak esan zuen itun autonomikoak militantziak berretsi behar zituela, baina azken hitza zuzendaritza federalak duela, hau da, Ferrazek. Bigarrenaren aburuz, Javier Esparzak egindako eskaintza –NSren abstentzia Sanchezen inbestiduran Nafarroako Gobernuko lehendakaritzaren truke– oso zentzuzkoa zen eta kontuan hartzekoa. Ur hotza kolkotik behera, horixe ziren agintari sozialisten hitzak PSNrentzat.

 

Ostegun arratsaldean, ordea, gauzak apur bat aldatu ziren, edo askotxo, batek daki. Espainiako erregearekin bildu ondoren, Nafarroaz galdetu eta Pedro Sanchezek esan zuen PSOE eta PSN posizio berean zirela, hots, “Bildurekin ez dago inolako akordiorik”. Eta Navarra Suma eta Esparzarekiko zera: “Egiten ari garen errondan dagokionean bilduko gara berarekin eta orduan argituko digu zer posizio duen nire inbestidurarekiko”. Argi zegoen, baina argiago geratzen da orain, Sanchezen inbestidura korapiloa askatu arte ez da Chiviterena argituko.

 

Eta Nafarroako itunen azken erabakia non da? Tinko mintzo zen Sanchez: “Militanteengan, hala dago arautua alderdiko estatutuetan, beraz, hor ez dago inolako eztabaidarik”. Baina kazetariek jarraitzen zuten EH Bilduren balizko abstentzioarekin, hori ere Madrilen esku balego bezala: “Guk ez dugu itunik egingo Bildurekin”.

 

Denak jarraitzen du airean, eta Sanchezek ez zuen esan ez bai ez ez, baina PSNk oxigeno pixka bat ahoratu du foru gobernuko lehendakaritza lortzeko elkarrizketetan.


Kanal honetatik interesatuko zaizu: Udal eta foru hauteskundeak 2019
Zorteko dago EH Bildu Nafarroan

Lerrook idaztean, Nafarroako lauko berriak akordio programatikoa hitzartu berri du. Berria da laukoa, PSN sartu eta EH Bildu aterako delako. Bi-biak batera etorri dira, gainera: sozialistek betoa jarri diete Bildukoei, haiekin berba ere ez dutela egingo ziurtatu baitute orbe... [+]


2019-07-14 | Mikel Irizar
Nafarroa Nafarroa da

1977ko udan Iruñea inguruko Arazuriko soroetan sartu ginen Askatasunaren Ibilaldia-ko milaka lagun, zutabeetan antolatuta eta ikurrinaz josita, Nafarroa Euskadi da oihukatuz. Hogei bat urte geroago, aukera izan nuen Juan Cruz Alli elkarrizketatzeko, eta pasarte hura... [+]


2019-07-14 | David Bou
IRITZIA
Bartzelona, aukera galdua

Ada Colauk Kataluniako hiriburuko alkate karguan segituko du, hauteskundeen kanpaina aurretik imajinatzen zaila zen testuinguru batean: PSCren aldeko zortzi botoen, lehen ministro ohi Manuel Vallsen hautagaitzaren hiru botoen –orain arte Ciudadanosek sostengatua– eta... [+]


2019-07-14 | Juan Mari Arregi
Politikarien soldatak

Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]


2019-07-07 | Aingeru Epaltza
Sinetsirik

Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko... [+]


Eguneraketa berriak daude