Hilabeteko greba deitu dute Gipuzkoako egoitzek eta eguneko zentroek, Foru Aldundiaren "arduragabekeriagatik"
Azaroaren 11tik abenduaren 11ra arte iraungo du grebak. Azaroaren 28an batzarra egingo dute ELA sindikatuak eta Gipuzkoako Foru Aldundiak. Horrez gain, ez diote "aterik ixten greba mugagabe bati".
Hamalau hilabete inguruan, 149 greba-egun egingo dituzte Gipuzkoako zaharren egoitzetako eta eguneko zentroetako langileek. Azaroaren 11tik abenduaren 11ra bitarteko greba deitu dute ostegunean, “pertsona nagusien kalitatezko zaintza” bermatzeko behar bezalako baldintzak eskatzeko.
Naiz-ek argitaratu duenez, ELA sindikatuko arduradun Txomin Lasak adierazi du greba mugagabe baten aukerari ez diotela “aterik ixten”. Bitartean, Markel Olano Gipuzkoako ahaldun nagusiak eta Maite Peña Aldundiko Gizarte Politiketako sailburuak iragarri dute aurrerapausoak emango direla azaroaren 28ko negoziazio-mahaian.
Denbora luzeko gatazka
2019ko irailean ere hilabeteko greba deitu zuten, eta urrian mobilizazio ugari egin zituzten. Baina bi urte inguru darama gatazka honek zeresana ematen. Patronalen eta sindikatuen mahaitik alde egin zuen ELAk gutxieneko baldintzarik ez zegoela argudiatuta, baina Adegi eta Matia 2000 patronalekin negoziazioak ez zituen utzi eta martxoan akordio batera iritsi ziren bi aldeak.
Orain negoziazio-mahaian parte hartuko duen Aldundiak, hasierako negoziazio horretan oztopoak jarri zituela salatu zuen sindikatuak.
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.