Otsailaren 7ra arte segituko dute greban Gipuzkoako egoitzetako langileek
ELA sindikatuak bilera izan zuen urtarrilaren 10ean patronalaren zati batekin, Lan Harreman Kontseiluan. Sindikatuak greban segitzea erabaki du, eskatutako bi baldintzei buruzko erantzunik ez zuelako eraman patronalak. Langileek 180 egunetik gora egin dituzte greban.
ELA sindikatuak gutxieneko bi baldintza eskatuak dizkio Gipuzkoako egoitzetako sektoreko patronalari: 2017ko eta 2018ko urteei dagozkien soldatak igotzea eta sektoreko mahaian sinatutako hitzarmena enpresa bakoitzean zigilatzea. Sindikatuak adierazi du patronala erantzunik gabe azaldu zela bilerara.
Urtarrilaren 17an, ostiralean, beste bilera bat egingo dute eta sindikatuak adierazi du patronalak proposamen bat ekartzeko konpromisoa hartu duela. Sindikatuak ardura nagusia Gipuzkoako Foru Aldundiak duela azpimarratu du, “dirua berak jarri behar duelako”.
ELAk ordezkaritzaren %60 du eta negoziazio mahaitik kanpo ari da patronalaren zati batekin akordioa lortu nahian. Ordezkaritza gehien duen hurrengo sindikatuak, LABek, hainbat greba egun egin ditu. UGTk %10eko ordezkaritza du eta azaroan soldatak hobetuko dituen akordioa lortu zuen patronalarekin.
ELA sindikatuak 2017ko irailean hasi zuen gatazkaren kontakizun osoa duzue Gipuzkoako zahar egoitzeko gatazka izeneko kanalean.
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.