Hik Hasi proiektuak, EHUko Filosofia eta Hezkuntza Zientzien Fakultatearekin elkarlanean, Udako Topaketa Pedagogikoak antolatu ditu. Ekimenak hamabost urte beteko ditu aurtengo edizioarekin.
Uztailaren 2tik 4ra bitarte Donostian egingo dira topaketak, EHUko Pedagogia Fakultatean.
Gai ugari landuko dituzte, besteak beste, irakasleen formakuntzari buruzko Metodo berriak prestakuntzan ikastaroa. Matilde Sainz Osinaga, Uri Ruiz Bikandi eta Itziar Plazaola irakasleen hitzaldiak entzun ahal izango dira ikastaro horretan.
Pedagogia Sistemikoa ikasgelan izeneko kurtsoan berriz, hezkuntza paradigma berriari buruz jardungo dira Josune Alberdik gidatuta.
Hiru eguneko iraupena izango du Euskaraola hizkuntz tailerrak. Ikasleen hizkuntz jarreran eragiteko tresnak eskainiko dira ikastaro horretan.
Eskola libreak, hezkidetza eta heziketa emozionala
Bestelako hezkuntza ereduen inguruan ikasteko parada eskainiko dute Hik Hasiren topaketek.
Hala, eskola libre eta demokratikoei buruzko ikastaroa eskainiko du Ane Ablanedok; nerabeekin hezkidetza lantzeko moduez jardungo dute Arremanitz kooperatiko kideen eskutik eta heziketa emozionalaren oinarriak aztertuko dira Ibon de la Cruz psikoloak gidatuta.
Hauek, noski, landuko diren gai batzuk baino ez dira. Egitarau osoa, prezio eta matrikula epeei buruzko informazio gehiago eskuratu nahi izanez gero Hik Hasi-ren webgunean dago eskuragarri.
Hik Hasiren Udako Topaketa Pedagogikoak aurkeztu ditugu Donostiako EHUren Hezkuntza, Filosofia eta Antropologia Fakultatean. Bertan izan dira Beñat Amenabar, EHUren Hezkuntza, Filosofia eta Antropologia Fakultateko dekanoa, Esti Amenabarro, Hezkuntza, Filosofia eta... [+]
Hik Hasi egitasmo pedagogikoak 2022ko Udako Topaketa Pedagogikoak egingo ditu Donostian uztailaren 4tik 6ra. EHUren Hezkuntza, Filosofia eta Antropologia fakultatearekin elkarlanean 31 ikastaro antolatu ditu. Ekainaren 15era arte eman ahal izango da izena.
Joxe Mari Auzmendi Hezkuntza Bekaren lehen edizioa Otxandioko eskolak jasoko du. Hernanin eman dute epaimahaiaren erabakiaren berri, hango udaleko eta Hik Hasi egitasmoko ordezkariek.
Pantailak 0-6an. Zertarako? solasaldiak antolatu ditu Hik Hasik, Haur Hezkuntzako hezitzaileentzat. Azaroaren 19an Barakaldon eta 20an Zumaian izango dira. Gaiaren inguruko hiru adituk hitzaldiak emango dituzte eta bi ikastetxetako esperientziak ezagutuko dituzte... [+]