Herri Urrats ez da izango Senperen, baina bai Kanalduden

  • Ikastolen Elkarteak duela hilabete inguru jakinarazi zuen udaberrian egitekoak ziren ikastolen aldeko jaialdiak bertan behera utzi zirela, koronabirusaren pandemiagatik. Printzipioz, Herri Urrats, Araba Euskaraz eta Ibilaldia egun zehatzik gabe atzeratu dira, baina egitea tokatzen zen lehenarentzat, Herri Urratsetzat, behintzat ordezko bat izango da igande honetan, tokatzen zitzaion datan: Kanaldude herri-telebistak zuzeneko emanaldi berezia antolatu du.

Artikulu hau CC BY-SA 3.0 lizentziari esker ekarri dugu.

2020ko maiatzaren 09an - 09:50

Hala iragarri du Kanaldudek bere e-posta buletinean: "Covid19k eragin krisi sanitarioaren ondotik ezin denez Ikastolen sostengu pesta Senpereko aintziran iragan aurten, etxetik ospatzea proposatzen dautzuegu. Hitzordua maiatzaren 10ean igandez, 12:00tan zuzenean!"

Beraz, Kanalduderen zuzenekoetara konektatzeko deia egina dago.

Igandeko tele-ekimen honek ez du, dena dela, Herri Urrats ofizialki ordezkatuko. Ikastolen Elkarteak edo Seaskak ez dute oraingoz ez denik aurten egingo erabaki. «Herri Urrats ezinbestekoa denez, Herri Urrats eginen da. Elkarteak pentsatu du ekitaldia irailera pausatzea. Momentuko, data ez dugu finkatu, baina jakin bezain laster jakinaraziko dugu», adierazi zuen Beñat Bidegain Herri Urratseko lehendakariak atzerapena jakinarazi zenean.

Herri Urratsen ondoren, Ibilaldia zen egitekoa Elorrion maiatzaren 31n, eta Araba Euskaraz Amurrion ekainaren 14an. Udazkenean egin badaitezke... ikusi behar nola bateratu ahal izango diren Kilometroak eta Nafarroa Oinez-ekin.


Kanal honetatik interesatuko zaizu: Herri Urrats
Muga Zero taldea da Herri Urratseko lehen maketa lehiaketaren irabazlea

40 taldeen artetik garaile atera da Muga Zero punk-rock taldea.


Euskaraz abesten duten taldeen maketa lehiaketa antolatu du Herri Urratsek

Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.


2023-05-15 | ARGIA
"Elkartasun uholdea" behar du Seaskak, ekaitzak Herri Urrats festa zapuztu ostean

"Ekaitz erauntsiak Herri Urratsen 40. urteurrena ospatzeko geneukan ametsa zapuztu du. Besta bere handitasun osoan ezin ospatze horrek milaka euroko galera ekonomikoa ekarri dio Seaskari; hori dela-eta, deialdi zabal bat egiten diogu euskal jendarte osoari".


Software libre eta euskaldunak txokoa izango du Herri Urratsen

Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]


Eguneraketa berriak daude