Euskaraz abesten duten taldeen maketa lehiaketa antolatu du Herri Urratsek

  • Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.


2023ko abenduaren 13an - 11:39
Azken eguneraketa: 13:30

Euskal musika-talde berriei ateak irekitze aldera, maketa lehiaketa antolatu du Herri Urratsek, Ipar Euskal Herriko ikastolen aldeko festak. Irabazleak zuzenean joko du maiatzaren 12an Senperen, Ortzadarra leloa izango duen edizioan. Beskoitzeko ikastola eraikitzeko dirua biltzea izango du helburu.

Antolatzaileek adierazi dute urtero talde ugari jartzen direla kontaktuan Herri Urratsekin festan jotzeko. Proposamen kopurua ikusita, eta denak egun berean sartzea ezinezkoa dela, lehiaketa burutzea ikusi dute irtenbide. Hala ere, azpimarratu dute helburu nagusia euskal musikagile berriei “aukerak irekitzea” dela.

Maketa lehiaketan izena emateko epea abenduaren 3an hasi zen eta urtarrilaren 3an amaituko da. Euskaraz abesten duten taldeek abesti bat, bi edo hiru aurkeztu ditzakete, eta irabazlea otsailaren hasieran iragarriko da. Saria Herri Urratsen jotzea izango da. Lanak Wetransfer bidez bidali behar dira herriurrats@ikastola.eus helbidera, eta dokumentu bat erantsi behar da taldearen izena, jatorria eta kontaktuarekin.


Kanal honetatik interesatuko zaizu: Herri Urrats
2024-05-13 | ARGIA
Beskoitzeko ikastola eraikitzeko baliatuko da Herri Urratsen jasotako dirua

Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.


TxikiLinux Txokoa Herri Urratsen, sistema eragile libre eta euskalduna ezagutzera emateko

Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]


Muga Zero taldea da Herri Urratseko lehen maketa lehiaketaren irabazlea

40 taldeen artetik garaile atera da Muga Zero punk-rock taldea.


Eguneraketa berriak daude