“Aldaketa nagusi batzuen bezperan gira, aukera historikoa dugu lehen aldikotz Euskal Herria egituratzeko eta Akitania eskualdeko bigarren indar publikoa bilakatzeko". Batera plataformak Ipar Euskal Herria egitura instituzional batean bateratzea lortzeko kanpaina berezia antolatu du: herriz herri ibiliko den karabana. Horretarako crowdfunding kanpaina abiatu du.
Ipar Euskal Herriko 158 herriko etxeek izango dute azken hitza. Apirilean edo maiatzean Herri Elkargoaren alde ala aurka dauden erabakiko dute. "Baterako karabana” herriz herri ibiliko da herritarrei Herri Elkargoaren planteamendua azalduz, eta adostasuna bilatzea jarri diote helburu beren buruari.
“Denen ulermena segurtatzeko gai konplexu horri buruz, dokumentu pedagogikoak idatziko ditugu. Herritar guziekin hitz egiteko asmoa dugu adosmen zabala sortzeko gure herrietan, bertzeaz bertze hautetsien artean Euskal Herri Elkargo baten alde”, diote.
Bateraren ustez, Herri Elkargoa “xutik jartzeko kudeaketa tresna eraginkorra” izango da, bai tokiko proiektuak sustengatzeko, barnekalde eta kostaldearen arteko oreka segurtatzeko, eta lurralde osoan eskumen estrategiko nagusi batzuen inguruan politika publikoen koordinatzeko ere.
Karabana finantzatzeko, crowdfunding kanpaina abiatu dute, eta egun gutxian 2.300 eurotik gora eskuratu dituzte. 10.000€ behar dituztela aurrikusi dute gaiai buruzko lanketa egiteko materala sortu eta Ipar Euskal Herriko herri guztietara heltzeko.
Batera plataforma 2002an sortu zen lau aldarrikapenen inguruan: euskararen ko-ofizialtasuna, Euskal Herriko Laborantza Ganbara sortzea, Unibertsitatea eta lurraldearen ezagupen instituzionala. Azken aldarrikapen horren inguruan erregularki agertu da plataforma azken urteetan: 2010eko herri kontsulta, herritar foroak, bide blokatzeak eta bertze manifestaldiak kasu.
Larunbatean manifestazioa
Euskal Konfederazioak eta Batera plataformak manifestazio "biziki garrantzitsua" deitu dute larunbatean Baionan euskararen ofizialtasunaren eta Herri Elkargoaren alde. Deitzaileek mobilizazio garrantzitsua izango dela ohartarazi dute. 17:00etan abiatuko da Xaho kaitik.
Bretainian, Korsikan, Okzitanian eta Alsazian ere egun berean manifestazioak egingo dira hizkuntza propioen ofizialtasuna eta aitortza instituzionala eskatzeko.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]
Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]
Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.
Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu... [+]